2021-12-06
《Online有話兒》盛寶銀行2022年十大瘋狂預測，預告面書「元宇宙」計劃失敗？
話說盛寶銀行近期發布一個「2022年十大驚世預測」，係咪勁過印度神童就真係唔知到，不過入面啲預測內容確實值得反思，包括化石燃料終止計劃受到考驗，面書玩「元宇宙」最終告吹，NFT音樂將會打殘Spotify。究竟十大入面會有幾多個中？今日就同你分析下啦！
1. 終止化石燃料的計畫受到了考驗
盛寶：政策制定者支持化石燃料投資以對抗通貨膨脹和社會動蕩的風險，同時重新思考通往低碳未來的路徑。預計iShares Stoxx EU 600 Oil & Gas ETF，預計飆升 50%。
分析：都唔係話無可能，雖然電動車開始普及化，但大城市使用率仍然難以提升，學連登仔話齋，真係排隊去停車場等叉電咩！香港人時間好寶貴；不過冬季取暖都係需要燃燒化石燃料，所以油價再升都唔出奇！
2. Facebook不能繼續吸引年輕用戶
（shutterstock圖片)
盛寶：年輕人放棄 Facebook 平台，抗議挖掘個人信息以謀取利益的行為； Facebook 的母公司 Meta 試圖用 Metaverse 重新吸引他們，但該嘗試預計會失敗。預計Facebook 母公司 Meta 陷入困境，與大盤相比下跌 30%
分析：好多人都話元宇宙係無可能實現到，因為同以前玩ONLINE GAME無分別，只係換個名炒作；好似最近THE SANDBOX呢隻GAME上市，都有玩家大叫中伏！同埋年輕人會唔會對元宇宙賣帳真係好難講，畢竟到而家都未有一個清晰前景！所以Facebook股價陰跌係有機會出現！
3. 美國中期選舉將帶來憲法危機
盛寶：美國中期選舉在參議院和/或眾議院選舉結果的認證上出現了僵局對峙，導致第 118 屆國會無法在 2023 年初如期舉行。預計美國資產極度波動，因為美國國債收益率上升，而美元因對沖世界最大經濟體和世界儲備貨幣發行國的生存危機而下跌。
分析：其實美國選舉年年都搞個大龍鳳，之前侵侵（特朗普）都話反對投票結果要打官司，最後都不了了知，共和民主兩黨點會「做下樣」，至於搞到初選無法舉行就好大件事，所以呢樣可能性不大，但係美國國債違約近期出現危機，呢個月可能會有新聞陸續發生，拭目以待！
4. 美國通脹率由於工資物價盤旋上升至 15% 以上
盛寶：到 2022 年第四季度，美國收入較低的群體的工資將以年化 15% 的速度增長，因為公司爭先恐後地尋找願意和優質的工人，這些工人因工作選擇豐富且權利意識增強，而越來越挑剔。
分析：美國通脹問題已經成為聯儲局當務之急，至於人工會唔會大增一成半，早前已經有講過美國勞工由「工揀人」變「人揀工」情況出現，所以企業都被迫增加薪酬吸引勞工。係人都想加人工加快啲，不過企業都會百上加斤，最後有機會引入墨西哥外勞都唔出奇！
5. 歐盟氣候、能源和國防超級基金宣佈將由私人養老金提供資金
盛寶：為了抵禦民粹主義的興起，深化減緩氣候變化的承諾，並在美國安全保護傘退去的情況下捍衛邊界，歐盟推出了一項大膽的 3 萬億美元超級基金，由養老金而非新稅收提供資金。預計歐洲債券收益率趨於一致，導致德國債券表現不佳。歐盟國防、建築和新能源公司將會是一些表現最好的公司。
分析：搵養老金較飛？相信歐盟好多官員立即反對，不過如果歐洲股市大跌，無可奈何之下，養老工可能真係一個好選擇，不過原因就未必係「減緩氣候變化的承諾」，搵得養老金入市相信已經係孤注一擲了。
6. 女性交易員團體透過社交平台對企業父權制帶來挑戰
盛寶：受啟發於 2020至2021年針對Meme股票 的Reddit 戰術，一群女性交易員對性別平等意識薄弱的公司發起了協同攻擊，導致目標公司的股價大幅波動。預計隨著市場的廣泛關注和加入，這一運動取得了成果，其迫使目標公司的價格大幅下跌，這使得各公司爭先恐後地改變方式，標誌著市場性別平等複興的開始。
分析：女權主義有邊一日唔係挑戰緊父權？NEXT！
7. 印度作為無投票權成員加入海灣阿拉伯國家合作委員會
盛寶：新的去全球化地緣政治和高企的能源價格構成了一種不令人愉悅的組合，世界地緣政治聯盟將陷入急劇調整的階段。事實證明，在市場動蕩的一年中，印度盧比比其他新興市場貨幣更具彈性。 2022年初，印度股市與其他股市一起調整，但會從年中低點之後開始表現強勁。
分析：呢個好似同「印度神童」所講有啲背道而馳，不過印度確實係新興股票市場入面，成長得最快嘅一個股票市場，呢個預測都尚算成立，不過如果當印度疫情再度爆發，唔知股市會唔會仲「表現強勁」呢？
8. Spotify因受到基於 NFT 的數字版權平台的挑戰而前景黯淡
（shutterstock圖片)
盛寶：音樂工作者們已經準備好迎接變革，因為當前的音樂流媒體模式意味著唱片公司和流媒體平台獲得了 75-95% 的收聽流媒體音樂的收入。 2022年，新的基於區塊鏈的技術將幫助音樂工作者們奪回他們在行業收入中的公平份額。預計投資者認識到 Spotify 的前景黯淡，其股價在 2022 年下跌了 33%。
分析：既然NFT音樂先係行業的未來，Spotify 一樣可以發展呢個系列，公司仲可以發展區塊鏈技術！但如果公司仲停留係線上串流音樂，股價跌33%都已經算跌少左，不過會唔會係出年發生？呢個可能性比較細。
9. 新高超音速技術推動太空競賽和新冷戰
盛寶：最新的高超音速導彈試驗正在加劇不安全感，因為這項技術使傳統的甚至核軍事硬件都過時了。 2022年，主要軍隊之間將展開一場大規模的高超音速軍備競賽，因為沒有一個國家希望被落在後面。預計建立具有太空交付能力的高超音速技術的公司將獲得巨額資金，如雷神公司。而在軍事硬件如飛機和造船等領域的“昂貴的傳統硬件”公司則表現不佳。
分析：呢個冷戰會由邊個國家打邊個國家呢？相信都係中美之間大戰，然而美國已經有兩間大型民營太空公司，其實太空競賽一早已經由美國贏左，全世界目前應該只有美國可以做到太空旅行商業化，因為只有商業化先可以推動技術發展。
10. 醫學突破延長平均預期壽命25年
盛寶：永遠年輕，或者至少年輕久一點。到 2022 年，生物醫學的一項重大突破有望將成年期和平均預期壽命延長多達 25 年，這有機會引發史無前例的倫理、環境和財政危機。
分析：壽命仲延長多25年？咁香港人咪個個都過百歲？不過生物醫學一直都有人研究緊「返老還童」，包括利用幹細胞技術，不過呢項技術肯定貴到無倫，如果會引起環境和財政危機，咁都未免太誇張了吧！
撰文:李皆穎
《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。
【香港好去處】etnet全新頻道盛大推出！全港最齊盛事活動資訊盡在掌握！► 即睇
