2022-11-17Text: Yan Chung

火鍋2022 | Top 6手切牛打邊爐！頭號騸牯牛買手自設火鍋店 / 即點即切配足料豬骨煲 / 好刀功好口感牛邊抓 / 坊間少見牛眼根 / 20款牛任你揀

火鍋2022 | Top 6手切牛打邊爐 3.私房般尊貴貼心！好刀功師傅主理！必食濃香牛邊爪：十二少海鮮刺身牛肉火鍋專門店

　　位於大圍積存街的十二少海鮮刺身牛肉火鍋專門店有兩層，地面一層主要為舒適卡位，一樓設有散枱和多間包廂。室內設計以仿雲石牆身和橙色梳化及坐椅為主，色調明亮整潔年輕。另外，牆上除了貼上推介菜式圖片外，還有「貼心服務」的項目清單，包括提供充電寶、漱口水及圍內等，有高檔路線私房火鍋的貼心。

　　不過，最吸引街坊，甚至區外客人自駕回頭光顧的，是店內火鍋及配料的品質。老闆之一從事鮑參翅肚等食材供應生意，食盡珍饈百味，講究真材實料。店內自設魚缸，當中常有花甘古等貴價游水魚，肥牛的質素當然也高。十二少主要採用本地新鮮騸牯牛，每日平均入貨10斤左右，肥牛重點提供部位為牛邊抓。邊抓即肋骨位，包圍牛腩的肌肉，牛味香濃。而且鎮店師傳曾於多間大酒家工作，對於處理牛肉的溫度、刀功等等有極高要求。「牛肉紋路好影響口感，繼而影響味道。」肥牛即叫即切，除了大路的頸脊，還有脊邊、挽手、薄頸、頸邊、頸心等，喜歡美國牛的，也有極品雪花霜降牛選擇。裝修環境舒適企理，牛頸脊價錢也只是$158，所以不少人都大讚十二少湯底和配料高質外，街坊店人情味濃！