【另類聖誕聯歡】疫情下公司點搞聖誕Party？作為打工仔，呢5個方案，邊個啱你心水？

　　好快就到聖誕啦！往年很多公司都會大搞聖誕派對，與員工歡度佳節；打工仔自然可以趁機輕鬆一下，聚在一起飲飲食食、玩小遊戲，最期待當然是大抽獎！但今年新冠肺炎疫情肆虐，政府不但宣布公務員在家工作，更強烈呼籲公私營機構跟隨，以減少社區人流和人群聚集；加上2人限聚令、晚市禁堂食等防疫政策……大家今年還想和同事開party？似乎不可能了！

 

　　哎，別太失望！編者收到風，不少公司為了凝聚士氣，仍然舉辦聖誕派對，只是方式有點不一樣！編者心裏面都有幾個ideas，看看大家喜歡哪一個？

 

（《今個聖誕無銀用》劇照）

 

1. 用視像會議軟件開party

 

　　一班人開聖誕Party當然最開心，但其實分隔不同地方、用視像會議軟件開Party，都可以好好玩！開會都可以，點解開派對唔可以！而且可以好有氣氛！點玩？第一步，先啟動「虛擬背景」功能，再從手機或電腦中加入自選照片，打造心水場景：浪漫的北極光？陽光與海灘？溫暖小屋的火爐？一樣得！有趣之餘，又不用執屋，極方便！怕悶還可以玩遊戲，編者聽講跳舞遊戲最受歡迎，只要利用螢幕共享功能，分享喜歡的Youtube視頻，就可以立即和同事一起在螢幕面前跳舞，好夠Fun！

 

2. 聘請魔術師或歌手進行網上表演

 

　　最近ViuTV的《全民造星III》極受歡迎，既有型男索女，又有唱歌熱舞，播放至今依然話題不斷，絕對是不少港人留家抗疫的娛樂節目。老闆們不妨考慮迎合潮流，聘請歌手、舞蹈員，甚至魔術師進行網上表演，或者可以hit中員工歡心！

 

3. 人人送大禮 

 

　　限聚令下，既然不能一大班人聚餐，不如人人送大禮！反正對不少打工仔來說，公司聖誕聚餐的焦點從來都是「大抽獎」環節，老闆們乾脆豪爽一點，送禮慰勞每一位緊守工作崗位的員工，也可在疫下增加一點士氣！

 

4. 為每個部門預留一筆錢作慶祝用

 

　　對不少大企業來說，籌辦網上Party絕對是花時又花力，光是確保流程暢順、每位員工都能參與其中，就已經不容易，遑論營造歡樂好玩的氣氛！所以不少管理層寧願向每個部門分發一筆「開心錢」，讓各部門各自慶祝，用來買禮物又好，疫情後相約吃飯都好，總之自己Party自己搞，就最省時省事！

 

5. 送一日有薪假期

 

　　對打工仔來說，最好的禮物一定是「有薪假」！皆因不少公司實行Home Office後，打工仔變相等同24小時On Call，幾乎分不清工作與生活，好慘！既然公司往年都要頂留半日搞聖誕Party，不如乾脆送員工一天有薪假，既可省下辦Party的心力，又可令員工開心，一舉兩得！

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

《說說心理話》身體唔舒服查唔到原因？周身痠痛疲累？可能係患有心身症！點解原生家庭會長時間影響一個人？點樣脫離循環？► 即睇