被追問太太有喜 古巨基露口風︰期待中

　　【晴報專訊】古巨基前晚到無綫電視城擔任節目嘉賓，對於盛傳太太Lorraine有喜，連日來不予否認的基仔，終於不敵傳媒追問，露口風表示有好消息便會公布。

基仔被問到太太懷孕傳聞，即帶傳媒「遊花園」。

　　基仔前晚與吳若希及方力申等，錄影薛家燕主持的節目《流行經典50年》，基仔透露錄完節目便要飛車入機場，到上海錄影電視節目。基仔搞笑說︰「我每次入電視城，都要採家燕姐額頭粒『寶石』，依家已經儲齊七粒。」近日盛傳基仔快將榮升父親，太太Lorraine日前出席鍾欣潼（阿嬌）註冊儀式時，身穿鬆身衣服，問基仔現在是否可報喜？他只笑笑口說︰「下，我太太喜事？佢嘅喜事喺一月發生，因為佢生日。（連郭富城也宣布再做爸爸？）係咩？我做完訪問即刻傳短訊恭喜城城，戥佢開心。（幾時可以恭喜你？）期待中，一有消息一定會話畀大家知。」

古太Lorraine日前穿鬆身衫現身。

吳若希捱壞身子出疹

　　另外，日前因免疫力問題導致全身出紅疹的吳若希，前晚透露患上玫瑰糠疹︰「手臂紅疹已經退咗好多，但其他部位仲好嚴重，呢排工作比較忙，可能捱壞咗，醫生話出過一次疹就唔會復發，亦唔使食藥，大約兩三星期就會好。」由於玫瑰糠疹不會傳染，所以吳若希如常擁著女兒睡覺。

轉載自: 晴報