與周柏豪Camping騷肌傾心事 袁偉豪︰我哋乜都攞出嚟講

　　【晴報專訊】袁偉豪（Ben）與周柏豪合作的《兩個小生去Camping》前晚首播，兩兄弟帶觀眾上山下海，欣賞香港的隱世秘境，二人除了在海灘騷肌，又趁露營盡訴心中情。Ben昨晚向《晴報》承認，「孖豪」有好多深入話題，「我哋乜都攞晒出嚟講！」

 

 

　　一連十集節目，兩位小生帶觀眾發掘香港的山系秘境，感受非一般野外體驗。Ben與柏豪在首集除了潛水兼半裸騷肌，更在Camping時大談兩兄弟玩ICQ的相識經過。

 

柏豪自爆女兒出生當日，自己刻意穿粉紅色衫見前世情人，果然是暖爸。（IG圖片）

 

　　兩人在鏡頭前暢談男人心事，柏豪提及去年尾出生的女兒周芯悅，又自爆跟太太相戀多年，仍習慣每晚牽手睡覺。至於Ben亦激罕憶述舊情，透露曾與某位舊愛共度春宵後，對方起床煮了一頓令他非常滿足的早餐。Ben昨晚回覆《晴報》時透露，三月中才收到拍攝通知，四月頭即刻開工︰「我哋同監製開會，佢都度身訂造啲問題，個節目係開放式，我哋乜都攞晒出嚟講，主要談及個人和演藝經歷！講咗好多關於我哋年輕嘅第一次，都唔知出唔出到街！」

 

疫情下肌肉走樣

 

「孖豪」一身專業裝備，二人勇闖赤徑石澗，大玩男人的浪漫。

 

　　提到Ben在首集自揭前度「美味早餐」的往事，他戲言當時正跟女友張寶兒（Bowie）一齊睇︰「其實淨係講食早餐，無講邊一任女友，當時Bowie都喺隔籬，佢無乜嘢！」

 

袁偉豪（左）直言臨急開工拍攝，未有時間操練爆肌身形。（網上截圖）

 

　　此外，Ben一向擁有健碩身材，但在拍攝時未見爆肌，他即回應︰「我哋都係拍攝前兩星期收到通知，因為疫情影響，無出街，唔夠時間做Gym！（拍潛水好辛苦？）第一集潛水當日係最凍嘅一日，雖然有太陽，潛水教練都話不宜潛水，不過趕進度都無辦法！」

 

　　Ben更特別預告稍後節目將有「刺激嘢」睇︰「我哋第一日開工就玩風箏滑浪，自己落水時傷咗尾龍骨，好彩潛水衣質料好。至於玩滑翔降傘，由馬鞍山起飛到西貢降落，柏豪係獻出第一次！」有網友讚節目靚人靚景，睇得滿足；亦有觀眾指「孖豪」傾心事夠真又好feel。

 

 

轉載自: 晴報

•