看畢《梅艷芳》講觀後感 梅啟明評王丹妮50分

　　【晴報專訊】天后梅艷芳離開大家已經18年，為紀念這位「香港女兒」，傳記電影《梅艷芳》今日正式上映。而梅姐胞兄梅啟明早前已先睹為快，他日前接受《晴報》電話訪問，大談對電影的觀後感，揚言女主角王丹妮的演出只有50分；但他看到電影播出梅姐的昔日片段，感動得眼濕濕。

 

梅啟明日前已率先入場欣賞電影《梅艷芳》。

 

　　電影《梅艷芳》以梅姐一生為故事藍本，兩小時的傳記式電影將梅姐的舞台傳奇重現於觀眾眼前。梅姐胞兄梅啟明於上周日已到戲院捧場，問他看到梅姐「重現」大銀幕有何感想？他說︰「一般啦，始終你唔係嗰個人（梅姐），好難演到嗰個神髓；同埋講佢兩姊妹嗰度好似好兒戲，好過眼雲煙，求其搵兩個人出嚟就扮佢哋兩姊妹嘅童年，係唔易做，唔係企喺度郁兩下就做到，要講天份。」

 

感慨欠缺家的感覺

 

王丹妮首登大銀幕，便要演繹一代傳奇梅艷芳。（網上截圖）

 

　　梅啟明補充道︰「雖然電影唔係跟到十足十，但都起碼有八成似，不過好可惜無描繪到屋企嗰種家庭感覺。」他更直言電影應加上梅媽（梅覃美金）的部分，更貼近現實。對於首登大銀幕的女主角王丹妮，梅啟明稱︰「表現一般，短頭髮少少似，但佢無阿梅咁多經歷，好難演嘅，我畀佢50分，合格分數。」他表示電影唯一感動的畫面，是播出梅姐的生前片段，他說︰「我都睇到有啲眼濕濕。不過阿梅被人掌摑嗰幕，點解又要播出嚟呢？人都唔喺度，阿梅生前都好少講呢件事，有啲唔係好尊重佢，呢個係佢人生中一大遺憾。」

 

梅艷芳在03年演唱會中嫁給舞台。

 

轉載自: 晴報

• 

【etnet 30周年】多重慶祝活動一浪接一浪，好禮連環賞！ ► 即睇詳情