計劃花數十萬做車主 許廷鏗自認欠抽獎運

　　【晴報專訊】21歲已擁有車牌的許廷鏗（Alfred），昨日出席活動時透露正物色人生第一架車，冀盡快做車主。Alfred又自認沒有抽獎運，亦不喜愛賭博，最幸運一次已是買六合彩贏了20多元。

Alfred自認欠抽獎命，所以一直甚少參與賭博。

　　許廷鏗昨日擔任抽獎活動嘉賓，他直言對大獎獎品電動車非常有興趣，希望趁年尾沖喜一下，他說︰「有電動車就可以同屋企人周圍去，加上電動車夠環保。最近自己愛上咗攝影，如果有架車，就可以去遠啲地方影相。」Alfred指現時與家人共同擁有一部車，輪流使用並不方便，所以希望擁有一架屬於自己的車，他說︰「我21歲已經有車牌，依家一年都揸好幾次車，但電動車太貴，我好驚整花，所以都係諗住買部入門價幾十萬嘅車，依家物色中。」

將榮升叔叔不買禮物給BB

Alfred（中）與哥哥及大嫂裴殷的感情要好。

　　不過Alfred自認一向欠缺抽獎運，最幸運的一次已是買六合彩中三個半字，贏20多元。Alfred解釋對賭博十分抗拒︰「因為讀書時期有朋友話穩贏，就夾咗200幾蚊，點知全部輸晒！就算同欣宜打牌都只係賭餐飯，唔會拎現金出嚟。」

　　另外，提到大嫂裴殷臨盆在即，將榮升叔叔的Alfred興奮說︰「阿嫂依家懷孕37周，相信短時間內BB就會出世。」問他可有買禮物給BB？Alfred笑言︰「我之前成日送嘢畀家姐啲小朋友，但家姐一直將我妖魔化，搞到我好似好惡咁，所以我諗住等阿哥個BB大啲，認得我先送，加上BB未出世已經有好多嘢，所以暫時都唔買住。」

轉載自: 晴報

【與拍賣官看藝術】畢加索的市場潛能有多強？亞洲收藏家如何從新角度鑑賞？► 即睇