【Netflix煲劇推介】比《延禧》宮鬥套路更深！盤點揭示醜惡人性的5套新劇

　　眨下眼，終於連大台都播完《延禧攻略》喇，一班「（慢人一步嘅）電視精」係時候要收心認真工作。但咪以為離開咗「清宮廷」返到office就可以暫離「宮鬥」，正所謂「有人嘅地方，就有是非」，其實office先係鬥爭得最血肉模糊、最能夠認清人性黑暗面嘅地方！唔信？咁你就要同小編煲齊以下5套揭示人性醜惡嘅Netflix劇集／電影，絕對可以搵到各種辦公室鬥爭嘅影子！

1. 《惡鬼收押所》（GHOUL）

人性黑暗元素：背叛、猜忌

職場生存法則：連親近嘅同事都要提防

《惡鬼收押所》為Netflix首部印度原創恐怖影集。

　　職場上互相攻擊從來唔係出奇事，但如果篤你背脊、跣你一鑊嘅，唔係最憎你嘅競爭對手，而係你最親密嘅同team戰友，你會點？唔想有一日「被戰友戰敗」完先嚟後悔「誰想到是你／連自己都恥笑我（《出賣》歌詞），咁你就要學識好好保護自己，即使係最信任嘅人都要提防！

　　故事簡介：改編自阿拉伯食屍鬼民間傳說，講述女主角Nida冷血出賣親生父親，而獲得拷問官一職，喺充滿冤案嘅軍事審問中心對穆斯林「恐怖份子」施虐拷打，只求維護當權者及國家秩序，卻喺一件詭異嘅案件中，發現某些囚犯其實不屬於這個世界。

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

【你點睇？】當局料聖誕新年期間逾1300萬人次出入境，較去年同期大增。你對本港聖誕新年市道是否有信心？會否出境旅遊？► 立即投票

• 1
• 2
• 3