【笑中有淚】道盡「扮工」精神！過年必定翻煲的10套經典賀歲片

9. 《食神》

 

　　扮工金句：「煮食之道，一字記之曰，心。」

 

 

　　過去一年喺職場上跌跌碰碰、被人照肺多過被人讚賞，可能唔少人都會開始諗，究竟呢份工係咪真係適合自己，係咪需要辭職轉行？但其實打工仔喺職場上撞板，原因除咗同自身能力不足、工作難度太高、與同事關係不佳……有關之外，某程度都同有冇用「心」有關，以《食神》的史提芬周（周星馳飾）為例，明明有天份、有才華，但就因為成名後開始目中無人，結果就逐漸忽略用心待人接物、料理真材實料嘅本質，結果搞到自己身敗名裂，好彩佢最終痛改前非，習得一身好廚藝，名正言順咁重奪「食神」嘅美譽！

 

10. 《家有囍事》

 

　　扮工金句：「黃臉婆嘅工作唔容易做，早啲辭職啦。」

 

 

　　經典賀歲片又點少得《家有囍事》！呢套集齊由黃百鳴、周星馳、張國榮、張曼玉、吳君如及毛舜筠等多位巨星嘅喜劇，絕對令大家睇得賞心悅目，其中最印象深刻嘅莫過於吳君如飾演苦情程大嫂，以一頭亂髮、汗毛滿嘴嘅形象示人，直至佢發現人生原來可以不用再委屈自己，單單圍住老公轉，於是決定改變自己，後來更風騷咁向小三拋出一句「黃臉婆嘅工作唔容易做，早啲辭職啦」，真係大快人心。

 

　　撇開套戲嚟講，雖然唔係個個「黃臉婆」都一定會被老公（或者仔女）嫌棄，但相信每個女人都想以最美嘅一面見人，都想得到身邊人嘅稱讚和肯定，所以過新年除咗講恭賀說話之外，不妨都同老婆／媽媽講多幾句讚美嘅說話，包大家新一年豐衣足食！

 

 

Read More：【由失望開始的2019年】拒絕濫用正能量！每天給自己寫一篇殘酷日記

 

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

• 1
• 2
• 3
• 4
• 5