米芝蓮一星蜜汁叉燒

　　長假期眨下眼就無咗，唔……

 

　　假期時去了「利苑」食飯，它在 2015-2016 年度摘下米芝蓮一星，出品一向不錯，以前在中環就經常去 IFC 分店。收費不算便宜啦，卻不會失望而回，學「潮流教主」話齋，等值交換。

 

　　今次行遠少少到旺角分店吃午餐，首先梗係整碟「蜜汁叉燒」。叉燒一向是小弟的 comfort food，除了「再興」，「利苑」也是我的心水之一。(提外話，近排「再興」叉燒好似差咗？！)

　　中午記得要預定，仍是做得不錯。半肥瘦叉，蜜味夠，不會遮蓋原本叉燒應有的焦香，肉及焦香同樣突出。這裡「冰燒三層肉」也好吃，今天吃不下這麼多就沒有叫。

 

　　原煲例湯「龍利葉煲豬展豬橫利」，有五、六碗，很甜，而且完全沒有肥油，湯渣的豬展沾甜豉油也好吃。

　　冰涼前菜「陳醋雲耳」，酸咪咪地爽口，有益可降膽固醇。

　　「雜菌素粉果」，「雪影杏汁包」，都做得好，粉果的皮薄過 0.03……杏汁包熱辣辣新鮮焗起，裡面流心的。

　　「菜脯葱粒炒飯」，可以盡顯大廚的功力，沒有什麼矜貴材料，卻很惹味，飯粒炒得分明，簡單好吃，推薦啊喂！

「利苑酒家」

地址：旺角洗衣街121號地舖

電話：2392 5184

營業時間：星期一至日 11:30am-3pm，6pm-11:30pm

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

《說說心理話》身體唔舒服查唔到原因？周身痠痛疲累？可能係患有心身症！點解原生家庭會長時間影響一個人？點樣脫離循環？► 即睇