「鬼馬雙巨星」許冠傑x譚詠麟又有創新搞作，破天荒開騷加送「美食車」嘉年華。

　　此舉非為谷飛，演唱會飛早已售罄，加場亦已加至無可再加，為滿足歌迷，惟有破例在周末加開兩點半日場，門劵極速被搶空，許冠傑和譚詠麟對下午場樂迷的支持心存感激，想辦法答謝他們，得鄭丹瑞建議，首創演唱會crossover美食車嘉年華，於明天及後天（19、20號）下午12:30至晚上9:00，在紅館對開大廣場擺放五輛美食車，舉行一個迷你美食嘉年華，五輛美食車包括︰Book Brothers（大師兄）、Crunch Munch（炸鬼飽）、Chee Kei（池記）、波蘿仔食堂及Hung Fook Tong（鴻福堂）。溫提︰沒買演唱會飛的市民也可以去湊熱鬧。

　　美食車嘉年華的場租及保安全由歌神和校長支付，一毛子收入都沒有，純粹與眾同樂，許冠傑和譚詠麟熱愛香港文化，盡力保育，他們希望樂迷可以集體回憶，重溫一下當年去戲院等入場時食燴魷魚、碗仔翅、雞蛋仔、咬蔗的滋味。

　　演唱會監製蕭潮順指因從來沒人做過，所以困難重重，要排除萬難劈開不少阻力，其實如政府能放寬一些過時法例，令今次之後成為常態，睇騷仲有好嘢食，又可助推廣美食車，一舉幾得。

轉載自: 晴報

【你點睇？】《施政報告》提出醫療改革，盧寵茂表示日後普通科門診擬只接受弱勢群體，你是否支持？► 立即投票