周末打卡「Art」Like！超萌FriendsWithYou充氣公仔登陸西九文化區！邊度出現識笑的菠蘿包？

　　突發消息！西九文化區藝術公園出現了12個巨型充氣公仔！原來是旅發局與「FriendsWithYou」合作，將大型的藝術裝置帶來香港！由即日至10月14日起，「FriendsWithYou」的12個角色就會一連3星期分布在西九文化區內，今個周末想影靚相「Art」Like的話，就要把握機會去西九行一行喇！

 

Read More： 來趟文藝遊！旅發局5條路線帶你走遍西九50個景點！探索古今建築兼藝術、尋香港老味道

 

「FriendsWithYou」大型藝術裝置

（圖片由旅發局提供）

 

　　12個角色，個個都色彩繽紛、笑意盈盈，非常吸睛，你又知道他們的背景嗎？「FriendsWithYou」是由國際藝術家Samuel Borkson及Arturo Sandoval lll組成，創作的目的是宣揚和諧和歡樂的訊息！數到最吸引編者眼球的，一定是經典角色「Little Cloud」，它一點也不little，足足超過3層樓高呢！想跟它影全身相，真的要「諗諗計」！

 

經典角色「Little Cloud」是全場最大的充氣雕塑呢！

（圖片由旅發局提供）

 

　　另一個同樣搶眼的角色，就是「Rainbow」！人如其名，它就是一個巨型彩虹，色彩繽紛，站在維港景色之前特別耀眼！還有幾個角色很值得合照，全球首度亮相的角色「 Jelly」會化身吉祥物，與角色 「Hug Bug」和「 Peanut Butter」不時遊走，隨時有驚喜，打卡的同時要一眼關七！

 

全球首度亮相的 FriendsWithYou 角色 Jelly（中）化身吉祥物，與角色 Hug Bug（右）

和 Peanut Butter（左）會不時遊走西九文化區藝術公園，給大家一個驚喜！

（圖片由旅發局提供）

 

　　除了跟各位圓溜溜的角色合照打卡之外，大家亦可以大玩AR互動遊戲，只要簡單以手機掃描景點展示的 AR 二維碼，即可與一眾 FriendsWithYou 繽紛角色虛擬合照、或玩手機小遊戲，同時有景點冷知識介紹。想知道點玩，睇睇以下的教學吧！

 

 

　　還有一個大亮點！香港太空館亦會變身成「微笑菠蘿包」，其蛋形外牆貼上FriendsWithYou角色的「招牌」笑臉，只要一見到，心情立即變好，一掃工作的煩惱！還在思考甚麼？快些去為這個限定「菠蘿包」打卡喇！

 

太空館變身成一個識笑的菠蘿包，好得意！

（圖片由旅發局提供）

 

　　打卡最怕四處都擠滿人，實在很難才找到一個好角度……提提大家，出發前不妨到「FriendsWithYou」的專頁睇睇打卡點的人流，會有「綠黃紅」顯示輪候情況！參觀毋須預約，不過入場之前就要先掃安心出行或是填表格！

 

「FriendsWithYou」大型藝術裝置

 

地點︰西九文化區藝術公園

活動日期︰即日至10月14日

開放時間︰11am – 9:30pm 

活動網站︰https://arts.westkowloon.discoverhongkong.com/tc/index.html

Facebook︰https://bit.ly/3CVV8TF

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇？】民主派初選案，45名罪成被告判囚4年2個月至10年不等，你認為判刑是否具阻嚇作用？► 立即投票