停工陪妻迎接第2胎 黎諾懿怕小器︰適當時候公布

　　【晴報專訊】育有四歲愛兒「小春雞」（黎峰睿）的黎諾懿昨日41歲牛一，即傳出愛妻李潔瑩（Nicole）懷孕兩個月的喜訊，有望湊夠一個「好」字。昨午諾懿接受《晴報》訪問時未有否認，只說︰「多謝大家祝福！」估計小春雞快將榮升哥哥。

 

 

　　黎諾懿與太太李潔瑩轉眼結婚七年，四歲的小春雞精靈可愛，一家三口幸福美滿。近年經常傳出諾懿希望追個女兒，有指夫妻數年前已有共識努力再「造人」；而諾懿每次公開現身，均被問及何時再做爸爸，令他增添不少生B壓力。昨日是諾懿的41歲牛一，有報道爆料指他與太太遍尋生B良方，近日努力終於得到回報，Nicole已懷孕兩個月。諾懿得悉愛妻有喜，他原定要北上隔離準備下月拍攝網絡大電影，亦急急煞停工作，留港照顧太太及小春雞，專心做暖男老公。有指Nicole因懷孕未夠三個月，為怕BB「小器」，黎氏夫婦暫時封口，僅得家人得知喜訊。Nicole上月在慶生飯局的照片所見，明顯面圓圓，有指她避免吃生冷食物，亦滴酒不沾。

 

黎諾懿太太李潔瑩上月中慶生時明顯變得圓潤，盡見孕味。

 

生日享受親子樂

 

小春雞（前排左三）跟爸爸參與「允豬」聚會，「畀女圍」的他艷福無邊。（IG圖片）

 

　　諾懿昨日回應時保持口密︰「多謝大家祝福，BB嘅事，我哋會喺適當嘅時候公布嘅。」身為廿四孝老竇，他的生日亦以大仔小春雞為先︰「今日（昨日）生日都唔會特別慶祝，因為囝囝放假，會帶佢去玩下，總之多謝大家啦，有好消息就同大家公布！」此外，諾懿在18年劇集《BB來了》與女兒「允豬」結緣，他前日與劇中老婆李佳芯，以及幾位飾演不同時期「允豬」的小演員聚會兼預祝父親節，小春雞亦有到場，跟「允豬」們玩得興奮。諾懿與一班「允豬」打成一片，足見他恨女恨到出面。

 

黎諾懿（右）於本月尾播出的《刑偵日記》飾演總督察，與黃智雯有感情綫。（網上截圖）

 

轉載自: 晴報

• 

【香港好去處】etnet全新頻道盛大推出！全港最齊盛事活動資訊盡在掌握！► 即睇