默認太太誕牛B 黎諾懿︰2個夠晒數

　　【晴報專訊】黎諾懿和太太李潔瑩於2017年誕下兒子黎峰睿（小春雞）後，兩夫婦一直希望追第二胎，但幾年來都沒有聲氣，直到最近有傳諾懿與太太造人成功，但由於胎兒未夠三個月，他們都暫時對外「封口」。而前晚諾懿受訪時，終默認太太目前正懷孕，適當時候會公布BB性別。

 

黎諾懿默認成功追B，稱會在適當時間公開BB性別。

 

　　前晚黎諾懿聯同新劇《刑偵日記》的拍檔王浩信、袁偉豪、黃智雯等亮相《開心大綜藝》，諾懿受訪時記者連聲恭喜他，他即笑道：「適當嘅時候我話畀大家聽，當然恭喜唔怕多，（幾時到適當時候？）差唔多啦，我依家都諗緊用咩特別嘅方法同大家講，（今胎係仔定女？）到講得嘅時候我就一次過公布啦！」問到小春雞是否意識到自己快做哥哥？諾懿表示小春雞還未懂得發生甚麼事，待太太的肚皮開始大，便會慢慢跟兒子講解，他又笑言︰「其實我同太太都問咗個仔好多年，之前都好似玩佢咁，但係依家就要開始同佢做心理輔導，希望佢會錫個小朋友。」

 

（左起）王浩信、黃智雯及袁偉豪前晚亮相《開心大綜藝》。

小春雞即將做哥哥，諾懿指會為他提供心理輔導。

 

　　雖然諾懿未有透露BB性別，但就承認BB將會是「牛B」，最重要希望為小春雞添個伴。問到兩個是否「夠晒數」？他說︰「一定係兩個，其實唔係錢嘅問題，反而係教嘅問題，個人認為兩個就最perfect，始終兩個會容易監管到。」

 

袁偉豪感激太太開解

 

Ben大讚張寶兒有投資天份，自己卻沒太大興趣，可以互補不足。

 

　　至於袁偉豪（Ben）在節目中直指最不想與黃智雯合作︰「同佢拍劇呢兩年無咩嘢做，佢腳頭唔係幾好，雖然都有人以為我結婚後唔使做！」Ben騷後澄清是開玩笑，但就承認工作機會減少，「市道真係無以前咁好，客戶又有其他選擇，都係好事嘅，當畀機會自己增值囉，諗下邊方面要做好啲。」Ben又表示受疫情影響少了外出，被問到是否有人群恐懼症？他說：「做藝人情緒容易大起大落，多少受到影響，好彩太太（張寶兒）支持我，透過傾偈幫咗我唔少。」

 

轉載自: 晴報

• 

【etnet 30周年】多重慶祝活動一浪接一浪，好禮連環賞！ ► 即睇詳情