宣傳愛妻買餸平台 呂方親自下廚做生招牌

　　【晴報專訊】呂方日前拍攝一條親自入廚的影片，為太太伍惠寶（Rainbow）經營的網上買餸平台做生招牌，剛過了一歲生日的女兒亦有露面，兩父女齊心撑媽咪，場面溫馨。呂方昨日回覆本報時，直言對自己的廚藝信心十足，更已計劃用美食「留住囡囡的胃」。

 

太太Rainbow抱著女兒看呂方下廚，一家三口齊齊出鏡。（影片截圖）

 

　　現年57歲的呂方，去年與年輕16歲的圈外太太伍惠寶結婚，同年八月太太為他誕下女兒Emma，一家三口非常幸福。Rainbow婚後積極打理網上買餸平台，「愛妻號」呂方決定親身上陣做生招牌，拍攝了一條約五分鐘的下廚宣傳影片，他昨日回覆本報表示：「太太叫我做咪做囉，對我嚟講真係無難度，都係一啲生活嘅片段嚟啫。」

 

 

用美食俘虜囡囡

 

　　影片在呂家元朗豪華大宅外的花園拍攝，見呂方下廚手勢純熟，甚有架勢。但由於拍攝當日天氣炎熱，呂方熱得滿頭大汗，他說︰「你睇我依家成身汗，煮餸其實都好辛苦㗎！」煮到一半，呂方突然搞笑地以「網上買餸平台創辦人」稱號介紹Rainbow出場；期間Rainbow抱著囡囡入鏡，Emma見到爸爸即想索抱，但由於太接近爐具，呂方馬上出手阻止，Rainbow便抱住囡囡站在一旁，看著呂方繼續煮餸，十分溫馨。

 

呂方透露將於下月到內地拍劇，他屆時將會每天跟女兒視像通話。（FB圖片）

 

　　問及想太太如何報答自己？呂方即表示︰「唔使啦，佢生咗個咁可愛嘅女畀我，仲使乜報答？」身為廿四孝爸爸的呂方，對自己的廚藝信心十足，更已計劃用美食俘虜囡囡，「我諗佢第日一定會好鍾意食我煮嘅嘢，我覺得佢會成日掛住，然後叫我係咁煮畀佢食，到時我應該好唔得閒。」言語間盡是對女兒的寵愛。

 

轉載自: 晴報

• 

【香港好去處】etnet全新頻道盛大推出！全港最齊盛事活動資訊盡在掌握！► 即睇