ViuTV《七救星》狂吸25萬觀眾 七仙羽變萬人迷︰出街唔敢唔化妝

　　【晴報專訊】風水師傅七仙羽（七師傅）主持的ViuTV搞笑節目《七救星》上周一晚上11時開播後，在網絡瘋狂洗版，首周平均收視錄得3.8點（約25萬觀眾），成為上周ViuTV收視冠軍。昨日七師傅接受《晴報》訪問時，表示暫未考慮開拍第二輯︰「依家太多job唔夠瞓，加上再開（第二輯）要有創意、有新嘢，否則弄巧反拙！」

 

 

　　七仙羽今次為《七救星》犧牲不少，除了扮學生妹及唐三藏，她在第五集為練美娟（娟姐）解決前世孽緣，穿上婚紗大玩離婚後再婚；前晚第六集，七師傅又跟男團P1X3L跳勁舞，非常投入。玩嘢以外，七師傅在第二集為幫杜如風戒甩購物癮，迫杜如風捐名牌手袋出售，再帶隊到深水埗做義工派物資，充滿教育意義。七師傅的主持風格搞鬼過癮，獲網民狂推「師傅唔紅，天理不容」。節目首周收視亦於前晚公布，《七救星》錄得3.8點收視（約25萬人收看），力壓許廷鏗主持《AH佛真‧惜玩》的3.5點收視，成為ViuTV上周收視之冠，認真可喜可賀。

 

七師傅變身學生妹冧娟姐，網民笑到噴飯。(網上截圖)

 

派錢給藝人雪中送炭

 

七師傅化身「唐七藏」為節目獻唱《Only You》，用笑聲打救世人。(網上截圖)

 

　　昨日七師傅受訪時，直言不理解收視計算方法︰「我都唔知收視點計，其實好唔公平，好多人上網睇又無計，自己見好多人喺FB留言同分享。（期望本周收視再創新高？）順其自然，最希望帶畀大家歡樂，送畀大家正能量！」談到其主持風格受觀眾熱捧，七師傅笑言︰「大部分主持講嘢都係背稿，我就自然啲，諗到乜就講乜，比較真實！」網民跪求七師傅再跟杜如風合作，七師傅搞笑說：「啲人話同我一齊，佢就正常番，不過拍節目要花幾個月時間，要睇ViuTV安排。」提到《七救星》會否開拍第二輯，她坦言由今年二月至今已忙足半年，不想太快添食：「拍得太多觀眾會悶，第二輯要勁過第一輯，要有創意、有新嘢畀觀眾，否則弄巧反拙。（為節目倒貼派物資？）我無乜所謂，自己除咗請人食飯，手袋長期都有利是，見到啲藝人無工開好慘都會派，有啲工作人員做得辛苦人工少都會派！」

 

日前七師傅自掏腰包請節目一眾嘉賓歎火鍋，提早慶功。（FB圖片）

 

直認年輕粉絲急增

 

七師傅跟P1X3L三位小鮮肉在天台狂舞，寓意眾人事業步步高升。(網上截圖)

七師傅與193胞妹郭嘉盈（左）合作拍廣告。（IG圖片）

 

　　七師傅透露近期增添不少年輕粉絲︰「以前搵我算命、問字，都係高消費力大客，依家多咗無乜消費力嘅年輕人搵我問字，好多後生fans！」成功吸納老中青粉絲，她坦言︰「其實有利有弊，呢排我去主要招待外國人嘅會所，都有好多人認得我，依家唔化粧唔敢出街，好唔方便，太多job又唔夠瞓！」另一方面，近日無綫翡翠台收視亦見回升，重頭劇《七公主》錄得20.8點收視（約136萬觀眾），《智能愛人》平均收視亦有17.9點（約117萬觀眾）；剛過去周日直播的《We Miss Hong Kong香港小姐競選準決賽》，最高獲19.9點（約130萬觀眾）。

 

七師傅帶杜如風在街頭派物資，愛心爆棚。(網上截圖)

 

轉載自: 晴報

• 

【你點睇】港府本年度已錄逾2千億元赤字，有議員指或難符基本法力求收支平衡之規定。你認為當局應如何解決財政問題？► 立即投票