無意參加女團選秀騷 27歲蘇皓兒認老

　　【晴報專訊】「宅男女神」蘇皓兒（Chloe）去年憑無綫劇集《那些我愛過的人》上位，今年在新冠肺炎疫情下依然工作不斷，主演的電影《假冒女團》亦已公映，星途燦爛。雖然近日《全民造星IV》熱播，但這位前跳唱組合As One成員坦言已告別發夢年紀︰「依家想專心做演員，乜嘢題材角色都想試，話唔定到30幾歲就演媽咪。」

 

 

　　蘇皓兒在《假冒女團》化身娛樂記者，輾轉間加入女團查案。身為前跳唱組合As One成員，她卻說跳舞難度最高。「我跳舞比較弱，自從組合解散後都無乜跳，反而拍檔Alina（李炘頤）同Anson Lo（盧瀚霆）都係跳得之人，自己惟有將勤補拙。」難得與「教主」合作拍戲，Chloe大開眼界︰「Anson Lo曾經係跳舞老師，As One解散後我都有上過佢嘅堂，佢跳舞天份真係好強，拍《假》片我哋幾個女仔花幾日排嘅舞，佢兩個鐘就排完。」原來Chloe由18年《全民造星》第一輯已追看，今年第四輯選女團亦話題十足，但她卻無膽量參賽︰「睇完節目後會好熱血，迫自己工作做好啲，但幾年後自己就30歲，所以無諗過參賽；我又唔想再做女團成員，未來希望專心拍多啲劇集同電影，磨練演技。」

 

在新戲與當紅偶像Anson Lo合作，Chloe坦言驚變「神徒」公敵。（網上截圖）

 

　　近年這位女神密密拍戲，除了《假》片外，電影有《忽然心動》、《糖街製片廠》，又拍劇集《金宵大廈2》、《OPM》等。Chloe在《金宵大廈2》化身醜女，發揮甚大，「我要化特技毀容妝，情緒好大起伏，要閉關睇劇本培養情緒，有時要凌晨去化特技妝，再拍到第二日深夜，其實都幾辛苦。」去年在劇集《那些我愛過的人》演中學生成功入屋，Chloe見識到TVB的威力︰「當時IG真係多咗人追蹤，以前比較多學生粉絲，套劇播出後吸納到各階層粉絲。」

 

呻沉迷拍拖損事業心

 

Chloe（左上）15年加入As One，可惜發展平平，兩年後逃不過解散命運。（資料圖片）

 

　　專注演戲的Chloe，最想嘗試扮演社會小人物角色，「類似電影《濁水漂流》咁，就算扮露宿者都得；我最希望突破自己，話唔定到30幾歲就要演媽媽角色，我都唔介意。」雖然在As One時代發展平平，但Chloe醉心演藝事業，從沒想過退出娛圈，「呢幾年獨立發展算唔錯，如果我之前放棄，就無依家嘅工作。以前喺女團，收入要四個人分，依家都叫養活到自己。」提到與王宗堯分手後，回復單身的Chloe事業發展不俗，她笑言確實有拍拖「魔咒」。「以前拍拖時真係會分心，有時忙緊工作都覆message；無拖拍之後就掛住做嘢，近日好忙，無時間諗感情事。」早前盛傳與羅天宇打籃球擦出愛火花，Chloe重申雙方只是「波友」關係，「我哋無嘢只係朋友，天宇都係好男仔，不過依家我都係一個人，男朋友就係屋企隻貓。」

 

轉載自: 晴報

•