情人節笑料

 

　　情人節應該食好嘅：

 

　　「我哋今晚點慶祝？星級浪漫大餐？」女友興致勃勃地問。

 

　　「為咗證明我對你嘅愛……。」男友慢慢答，賣個關子。

 

　　「唔……係咪嗰間米芝蓮三星餐廳嘅慢火牛油淋熟龍蝦呢？嘩！又香又滑又鮮味。」

 

　　「唔啱，係……粟米肉粒飯。」

 

　　「唔係掛？咁慳？」

 

　　「你唔好睇小呢個碟頭飯。翻譯為英文，係Show Me Your Love喎，係我對你嘅熱愛宣言。」

 

　　「你想唔想做熱油淋熟嘅龍蝦呢？」

 

　　　　***  ***   ***  ***   ***  ***   

 

　　情人節應該有好禮物。

 

　　「Honey，我想執靚塊面、執靚身材，你獨家贊助我啦，橫掂都係你私家享用。」

 

　　「小姐，你又話係虔誠教徒？無謂整啦！」

 

　　「聖經有話唔準整咩？」

 

　　「唔係，如果你如聖經所言，愛你嘅鄰居，就留番D空間畀其他港女啦！」

 

　　「關佢哋乜嘢事？」

 

　　「女神呀！你已經咁靚，再整靚D，佢哋唔使出嚟行啦！」

 

　　語言偽術，慳番六位數字。

 

***  ***   ***  ***   ***  ***   

 

　　情人節應該聽好說話。

 

　　「Honey，你覺得我現在同你初識我時有乜唔同？」

 

　　「而家靚一千倍！」

 

　　「嘩!駛唔駛讚得咁爆呀！」

 

　　「係哩！你以前成面暗瘡、滿臉油光、個人又乾、成日心慌慌，簡直似……。」

 

　　「你去死啦！」

 

　　就算係情人節，一年一次要交足戲，都唔好去到咁盡，無謂情人節變仇人節吖！

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇？】當局料聖誕新年期間逾1300萬人次出入境，較去年同期大增。你對本港聖誕新年市道是否有信心？會否出境旅遊？► 立即投票