IQ提早爆燈嘅喜劇小天才！

　　少年出英雄都嫌太遲，簡直係幼年出天才——仲係喜劇天才。以下笑話嘅主角睇上去不過四、五歲，IQ已經飛越成人。

 

 

 ***   ***   ***

 

　　「爸爸，我要痾屎。」

 

　　「你可唔可講得斯文D呢？」

 

　　「爸爸，我屁股要嘔咧！」

 

 ***   ***   ***

 

　　小(o靚)妹睇中一件玩具，死(土累)老豆都唔肯買。

 

　　佢就喺老豆耳仔講：

 

　　「你信唔信，我可以唔駛錢有玩具？」

 

　　「唔信。」

 

　　(o靚)妹於是抱住玩具拉住老豆到收銀處，細聲同老豆講：

 

　　「你唔信嘛？」

 

　　跟住大聲叫。

 

　　「咁你仲唔即刻畀錢？」

 

　　老豆尷尬磅水。

 

 ***   ***   ***

 

　　爸爸問：「你今日係咪剝咗牙？」

 

　　「嗯。」小(o靚)妹答。

 

　　「咁牙仲痛唔痛？」

 

　　「牙留咗喺診所，我點知佢痛唔痛！」

 

 ***   ***   ***

 

　　爸爸小病，躺在床上。

 

　　「老豆，你點呀？我好驚呀！嗚嗚嗚。」小(o靚)妹扮喊。

 

　　「喊乜啫？我感冒啫！又未死。」

 

　　「我綵排一下先！」

 

　　老豆立刻彈起身，追住佢打。

 

 ***   ***   ***

 

　　三人世界，媽咪想擦丈夫鞋；向(o靚)妹講：

 

　　「你知唔知你老豆好叻，賺好多錢㗎？」

 

　　「我知，所以我叫佢慳D駛，唔好駛晒我D錢！」

 

 ***   ***   ***

 

　　係好cutie，亦同時好errie（怪異）。雖謂童言無忌，但駛唔駛咁勢利！

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇？】當局料聖誕新年期間逾1300萬人次出入境，較去年同期大增。你對本港聖誕新年市道是否有信心？會否出境旅遊？► 立即投票