【三則小故事】笑過後你會懂！愛自己也不能做自私鬼

情景一

 

　　一對年青夫婦。

 

　　丈夫買了生蠔和海鮮回家，叫太太準備晚餐，自己卻要去看電影，太太嚷著也要去。

 

　　他說：「成百蚊一張飛，不如等我去睇，你就喺屋企煮飯，我睇完返嚟，一面同你撐枱腳，一面講劇情畀你聽。呢個係最好嘅時間安排。」

 

　　丈夫看完電影回家，發現海鮮宴變了青菜餐。

 

　　「啲魚同蠔呢？」

 

　　太太笑靥如花地答：

 

　　「畀我食晒囉。嚟嚟嚟，坐低！等我形容吓啲生蠔嘅滋味畀你聽。唔，有海水味，你彷彿見到藍天碧海……有礦物味，尤其係銅味……唔！順、滑、甜……」

 

　　感悟：

 

一. 你點對我，我就點對你。互不拖欠。

二. 港女是不易欺騙的，網上除外。

三. 有人給你不好的條件，你一樣可以享受人生。

 

 

情景二

 

　　吃過晚飯，爸爸和兒子在客廳看足球，媽媽和女兒在廚房洗碗。

 

　　突然，兩個男人投入的叫囂聲被廚房的巨響遮蓋。

 

　　跟著是一片沉寂。

 

　　爸爸說：「一定打爛咗好碗碟。」

 

　　兒子說：「一定係阿媽打爛。」

 

　　「你點知？」

 

　　「因為冇聽到佢鬧人。」

 

　　感悟：

 

　　人多是用不同尺度評論事情，有雙重標準、三重標準，有的最簡單，只有他的標準，或者索性冇標準，例如特朗普。

 

情景三

 

　　小女兒迎著晚風對母親說：

 

　　「媽咪，你今日好靚。」

 

　　「係？」媽媽半信半疑。

 

　　「因為你今日冇發過火！」

 

　　感悟：

 

　　要靚原來好簡單，連美容都慳番。

 

　　以上雖是家庭瑣事，但亦可應用於各環節的人際關係，總之，過得自己過得人、壞了事先勿怨人、心情劣勿影響人。我們有沒有不自覺地做了自私鬼、雙面人、黑面神？

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇】港府本年度已錄逾2千億元赤字，有議員指或難符基本法力求收支平衡之規定。你認為當局應如何解決財政問題？► 立即投票