【看《BB來了》的啟發】退休後不想呆在家！快去應徵做model、攝影師

　　人老咗，身體機能變差，係咪就乜都做唔好？最近無綫新劇《BB來了》開播，吸引唔少觀眾追睇，更大讚女主角李佳芯完美演繹新手媽咪嘅辛酸！不過，小編反而對飾演李佳芯媽媽嘅陳秀珠印象深刻，事關佢為咗幫個女坐月坐得好，就算湊孫湊到腰酸背痛、冇覺好瞓都好，仍然一句聲唔出繼續做，仲要將提神飲品「狂牛」當水咁飲，真係夠晒狂！結果係點？當然係李佳芯知道咗之後，大鬧佢咗一餐啦！

 

 （《BB來了》劇照）

 

　　通常處理呢啲家庭糾紛，外人梗係唔方便插手啦；而作為觀眾，「聽古咪駁古」就更加係至理名句，所以誰是誰非，呢度就先撇開唔講。但小編諗到嘅係，如果有一日到我自己退休，日日坐喺屋企戆居居，想幫手湊孫但又被仔女嫌棄，應該點算好？而更大嘅問題係，係咪人老咗就等於冇晒生產力？

 

　　梗係唔係啦！

 

　　尤其近年社會有唔少聲音都話要釋放長者勞動力，鼓勵50至64歲年長人士、65至74歲嘅「少老」重投勞動市場，同年青一輩分享佢哋嘅知識、經驗，甚至人脈，繼續喺社會發熱發光。之但係，究竟有咩工啱佢哋做呢？

 

 

1. 侍應生

 

　　雖然老人家手腳可能唔夠後生仔快，不過做侍應嘅話，佢哋一定贏在夠耐性、應變能力高、人際溝通技巧好，皆因飲食業始終係一個服務行業，點樣照顧客人嘅需要先係最重要！有時客人無理取鬧，點樣有技巧地安撫到佢，而唔影響其他客人，呢個真係要有返咁上下歷練先做得到！

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【香港好去處】etnet全新頻道盛大推出！全港最齊盛事活動資訊盡在掌握！► 即睇

• 1
• 2
• 3