逼婚•逼分：為結婚而結婚，還是找到Mr.Right才結婚？

　　「你同新女朋友點啊？」我不是八掛，是好奇。

 

　　「分咗手啦。」他說得隨意。

 

　　「吓，你地一齊無耐咋喎。」

 

　　上個月聽他說交了新女友，才幾個星期不是處於熱戀期麼，竟然由相愛轉為情變，快完快結束了？！

 

　　「我真係頂唔順佢，勁急！」

 

　　「有咩急？」

 

　　「佢勁chur，拍拖未到一個月，已經話要結婚。」

 

　　「咁快？」我是半追問半吃花生吧。

 

　　「我答佢遲啲先算，佢就叫我搬去佢屋企住，話方便之後傾結婚嘢。」他皺著眉說：「我話唔想咁快同居，佢就發脾氣追問我係咪唔認真，勁煩囉。」

 

　　開始發展才一個月，不過是處於關係未穩定，揣摩彼此性格當中。這時便提同居、結婚，每一項都急著進行，嘿。即使一心想朝著拍拖、結婚進發，好歹也要看時候。貿然講結婚，不過界嗎？要是好的話，大家有共識，不好的話，隨時把對方從熱戀嚇至落荒而逃。她即將步入36歲，是想急、想快了吧？

 

　　「可能佢覺得係時候結婚啦。」

 

　　「佢想結婚但我未想嘛，啱啱先一齊無耐，都未知相處成點就畀人逼住結婚咁，佢唔細，但都唔係咁急啊。」他的話，我同意。

 

　　「我緊係走啦。」他補了這句，yes，關係結束。

 

　　想結婚而結婚，還是真心找個人好好相處的走下去？為了時間、年紀，想趕就好嗎？結婚可不是找個對象肯要你，肯辦場婚禮，簽張婚書就行。自己的計劃，未必是對方的計劃，結婚該是你情我願的事，愈逼愈緊又有何意思？上錯車，隨時跳車行麼。

 

　　落力逼婚，如何？磨蝕了開始的浪漫，談不攏，婚結不成，拖也拍不下去，一線之間等同逼分了。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

•