感情最忌一廂情願！表白過後對方連Yes or No都不說？小心當了偽單身人的備胎！

　　「好耐無遇到個鍾意嘅女仔啦，同佢一齊嘅感覺幾好。」有新對象的他難掩興奮的說。

 

　　「不過佢性格有啲被動，同佢都約會咗幾個月，佢都未應承同我一齊。同埋佢有時太忙，唔易約，多數weekday放工，食個飯、見一陣，weekend又多數唔得閒，有時夜晚message佢，想傾下偈，佢又好少覆咁，真係唔易追呀！」他略為惆悵地說。

 

　　「你有無問過佢…？」我忍不住說。

 

　　「問佢咩？我表白過㗎，佢未正面答我呢。」

 

　　聽到單身已久的朋友有機會脫單，固然高興，但怎麼聽起來覺得怪怪的？

 

　　「其實你有無問過佢係咪單身？」我直接了當的說。

 

　　「吓，做咩要刻意問？佢一直都有同我出去……即係available㗎？」

 

　　「同你出去唔代表咩㗎，何況你哋無拖手，無親密……佢可能當你係『友達以上』咋！又或者只係無聊，間中想搵人陪，你又咁啱係度，嘿。」我是說得太直接麼，但只是想道出有些女生的心態呀。

 

　　為甚麼說他們關係怪？因為曖昧、發展初期，該是雙方都積極擠出時間見面相處，秒讀秒回message才是呀，但這幾個月下來，她都是這樣的慢熱，沒甚麼反應，沒甚麼進度，就連他開口表白後，她繼續是無棱兩可的回應。那若即若離，不太上心的模樣，是不是代表些甚麼？

 

　　是他有心，她可無意？平日放工後，見個面食個飯，倒也沒甚麼，就騰出那三兩小時，吃飯聊天而已，就當是調劑枯燥的生活吧，反正赴約見面可不等如約會啊。男方自願相陪，自己又不用付出太多，維持這刻略帶點曖昧的關係剛剛好。而weekend或晚上是私人時間，少回覆可能是正在忙，又或是無空、無心，不想應酬你呀。要是長期固定的時間，都連絡不上，找不著人影，更是一個小警號，代表身邊有人？反正冷淡回應，被動過度就顯然是沒興趣吧。

 

　　是不易追還是她不想被追到手？表白過後，她連Yes or No都不說，是故意避開或是一直不想回應？這可是不少偽單身的人的作風啊，有意隱瞞自己的感情狀態，卻不用開口道破真相，省得派好人卡之餘，仍能享受約會、被關愛的時刻。

 

　　感情中最忌一廂情願，以為自己有機會，卻不敢抽身看清真相，隨時當了備胎也不自知！

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【etnet 30周年】多重慶祝活動一浪接一浪，好禮連環賞！ ► 即睇詳情