哪一種男人你不會想接收？那就是朋友的前度！

　　有追求者固然好，是比保養品、化妝品威力強十倍的靈藥呀，但有些人的追求，不只會讓你感到尷尬，甚至想落荒而逃！

 

「佢最近成日主動約我……又話買咗小禮物，叫我weekend出去。」她說。

 

「好主動噃，有人追真係好！」女生都享受被追求呀，我也是。

 

「但好奇怪呀，佢係我朋友嘅前度！」

 

　　追求者不是誰，卻正是朋友的舊菜，朋友的前度想把她變成現任？Oh No！怎麼關係如此亂呀！

 

「其實係有次我同朋友去飲野，同一晚識佢嘅，佢嗰時對我好cool㗎，但就同我朋友搭上咗。」她把這段舊事娓娓道來：「本來我都無咩理，點知早排佢地散左，佢突然好積極咁搵我，約我出去，仲成日講埋啲曖昧嘢。」

 

「朋友嘅舊菜呀……咁你咪未食已經有『用家食評』？」聽著這些複雜關係的我，充滿好奇兼笑不攏咀。

 

「佢條件係OK，有事業又有經濟基礎，但佢同我朋友一齊過嘅呢段history，我真係過唔到自己，好難食得落呀！」她沒好氣的說。

 

「嗰時唔理你，同你朋友一齊又分手後竟然向你埋手？嘿，你地任佢揀㗎？」要是我也受不了呀，不論面子或自尊亦然。

 

「你知唔知最正嘅係咩？我連佢哋之間嘅床事、招式，都聽過唔少，我點揀得落呀！唔好話聽講佢個方面唔多得，成日『埋唔到尾』㗎……哈！」她可說出重點了。

 

「嘩，有哂畫面喎……佢宜家太dry，見你最就手呀？」連他們的閨房情節都耳熟能詳，甚至是未看到幸福，已明知道不會有性福，那如何接受呀，反正我對他就是沒好感。

 

要當個資源回收筒，將朋友的前度，循環回收再用嗎？他是太有自信，覺得自己魅力無邊，在同一個圈子能左挑右挑？這位女友變成前度，便打起她身邊朋友的主意，這行為、人品怎麼說也不太靠譜。尤其是詳盡的「用家食評」，他跟朋友的太多私事，包括他為人、性格，就連床上密事、戰場在哪、表現如何、玩過甚麼招式，都被朋友毫不客氣的分享過。這些讓人面紅耳熱的「試食」評價，很難聽完後會有興趣吧。儘管她已單身好一段時間，但不等如是「饑不擇食」，來者不拒啊！

 

當日同一日認識，卻態度冷漠，如今朋友那邊情路不通，卻轉頭想和她試試？是閒來無事翻著手機的聯絡人，看看誰適合放進近期「媾女名單」當中，剛好點上了她？那天沒有興趣，今天便無需多說了，她可不是退而求其次的一個選擇。世界這麼大，男人那麼多，確實沒有喜歡到要讓他在同一個圈子裏任揀。

 

　　也許誰都可以考慮，這樣一位的朋友前度，thank you，next！

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇？】有學者倡60至65歲以下長者之2元乘車優惠，設每月補貼上限700元，你點睇？► 立即投票