【應用程式】測試全新麥當勞App！免排隊點餐＋完整食物營養資訊

　　科技在生活上的應用愈來愈普及，先後亦有不少連鎖餐飲品牌都推出手機應用程式，大家可以減省排隊輪候的時間，一機在手就可以遙距點餐，終於麥當勞的App都正式登場啦！全新麥當勞App結合驚喜優惠、手機預先點餐、我的最愛等多項功能，到底使用上係咪真係咁方便？裏面又有冇咩特別功能？就等小編即刻試用俾大家睇吓啦！

 

 

1. 手機點餐功能簡易清晰

 

 

　　午飯時間麥當勞總是人山人海，望著那長長的人龍，真是不禁令人心情低落！透過手機應用程式點餐，程式會自動顯示離你最近的分店，你亦可以在分店裏掃瞄二維碼(QR Code)，之後就可以揀選食物，並完成整個付款程序，大大省卻於櫃台排隊的時間，搵定位等嘢食就最適合不過！ 

 

2. 我的最愛功能更貼心

 

 

　　大家亦可於App內儲存自己喜愛的餐點，並為你獨有的配搭命名，如：「輕食之選」就是沙律加凍新鮮檸檬茶，讓點餐過程更貼心、輕鬆！當然大家隨個人喜好，可以選擇多醬少醬，走青瓜等，飲品亦可以選擇少冰或走冰，而咖啡類飲品亦可轉用低因咖啡、低脂奶或豆奶等。

 

3. 營養資訊全面公開

 

 

　　「人類總是矛盾的」何出此言？大家明知食漢堡、薯條、炸雞翼、可樂是相當邪惡，卻又忍不住想知道它們的卡路里等營養資料，對嗎？麥當勞App竟然選擇全面公開大部分麥當勞食品及飲品的營養資訊，包括：卡路里、蛋白質、總脂肪、飽和脂肪、反式脂肪、糖、鈉，讓大家點餐前停一停，諗一諗，配搭出你認為最合適的套餐！

 

健康配搭餐單

 

o   早餐（305千卡）：麥芝蛋飽配優質濃香咖啡

o   午餐（341千卡）：烤雞凱撒沙律，配粒粒粟米杯及熱新鮮檸檬茶

o   晚餐（596千卡）：板燒雞腿飽，配蘋果批及凍新鮮檸檬茶

 

　　另外亦有更多健康餐飲選擇，如凱撒沙律、套餐免費轉換粒粒粟米杯和新鮮檸檬茶。

 

 

　　由即日起至4月18日，下載麥當勞App並成功註冊的新用戶，都可獲$5折扣優惠劵，於麥當勞惠顧任何食品滿$25即可使用。除了迎新優惠，亦有更多其他驚喜優惠劵，如晚上6時後購買超值套餐送麥旋風等。麥當勞App亦會不時推出不同優惠驚喜，大家記得留意啦！

 

麥當勞App（下載網址）

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【香港好去處】etnet全新頻道盛大推出！全港最齊盛事活動資訊盡在掌握！► 即睇