人仔貶值，羊年集體中招一例

　　8月中人仔狂跌第三日，我晨早爬起來，啃完報章電視的財經早餐，胃中已蝴蝶亂飛。

 

　　打電話給投資經理，他說這問題不是三言兩語解答得了，他正忙著落盤(嗰日佢都唔忙，就等執笠咧)，會盡快覆我。

 

 

　　好容易等到他回電。

 

　　「你唔駛咁panic喎。」他安慰我說。

 

　　「公司嘅錢喎，唔擔心就假啦！我舊年提議公司將部分儲備買人民幣五年國債基金，今早愈聽愈驚，人仔幾日已經貶咗5%，我哋蝕入肉未？」

 

　　「放心啦，你仲賺緊五厘。」

 

　　正在慶幸不需剖腹，好意先生自動獻身來電。

 

　　「唔駛驚喎！」他說。

 

　　「你係高人，可能身體結構缺乏驚慄神經。我係凡人，D財經專家話要跌夠一成，有個新西蘭分析員仲講人民幣嘅合理價值比現在有15%溢價！」

 

　　「唉！羊年有羊群狀況，就係有好多集體現象。今次係集體挨跌，香港差不多人人都有人仔架啦。」

 

　　「點解唔可以集體發達，而要一齊坐艇呢？」我是指股市已多人因大時代而捐軀，不旋踵又來個人仔跳樓。

 

　　「今年好難好景架咧，乙未年未中藏火，有被困之象。」

 

　　他跟著舉了幾個例。

 

　　香港最高學府港大校委會開會，遭學生衝入，並禁止他們離開，即是這些德高望重的人被困啦。

 

　　香港人人都要飲嘅水又爆危機，鉛水禍及數以萬計平民，政府屋邨固然有鉛毒恐慌，就是豪宅也難倖免，於是集體躭心，當然還有集體裝水、集體驗血、集體投訴啦。

 

　　市民生活另一必需品——電話也成禍根，今年已多人中了電話騙局，僅6、7月已有十大騙案，受害人包括退休人士、大學講師、公司總裁、藝術家、醫生……等，各損失200多至2000多萬。電訊商於數周內已攔截了5萬多個可疑電話，夠哂集體啦！

 

　　再談人民幣令港人集體中招，我問好意先生:究竟人仔何去何從呢？

 

　　「人字結構平衡，穩陣嘅，暫時啦。重覆，暫時咋。」

 

　　當日下午，人仔已回穩，貶幅由5%減至3%。

 

　　我再追問：「揸住人民幣點算?」

 

　　「人民幣短線企得穩，中長線唔掂。」

 

　　為免你地集體追殺我，請用你們的個人智慧，拆解人仔困局。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

樂本健【年度感謝祭】維柏健及natural Factors全線2件7折► 了解詳情