美食博覽2022｜8.11開鑼！率先跟編輯入場睇！$1贏300罐即食飽魚、買雞煲，仲有機會贏免費Staycation！半價買黑松露福袋！激罕風乾和牛！一文睇晒美食博覽開放時間、門票詳情！
一年一度的的美食博覽將於8月11日開鑼啦！今屆美食博覽一如以往於灣仔會展舉行，設有「美食博覽公眾館」和「尊貴美食區」等，匯聚逾600間參展商參與，帶來環球特色熟食、零食、包點、飲品、酒類等！除了提供會場限定優惠外，當然少不了$1優惠！適逢第二期$5,000消費券發放，要盡情掃貨！想知有乜必買搶手貨、至抵優惠？即睇！
一年一度的的美食博覽將於8月11日開鑼。
【美食博覽｜$1美食優惠】1. $1玩「鮑魚」當入樽贏300罐即食飽魚：安記海味（攤位︰1C—D10）
為迎合近年興起的運動熱潮，安記海味於美食博覽設置「巨大鮑魚籃球模型」，限首日頭10位在場外排隊購票進場的參觀人士參加（為免參觀人士衝入會場，屆時會在進場處派發「投籃證」），10人將會分成5隊，每2人一隊，每隊獲發50隻鮑魚作投籃用，首隊以最快時間完成投籃（投入50隻鮑魚），即可獲得300罐即食鮑魚！其他組別亦可獲贈100罐即食鮑魚！
此外，安記海味亦推出$198鮑魚福袋（原價$396），一袋有齊即食溏心鮑魚、金牌厚花菇、紅燒溏心鮑魚、元貝XO醬、鮑魚麵等，非常抵買！凡購買任何安記產品滿$3,000，更送購物車一架！掃貨就變得更加方便啦！
【美食博覽｜$1美食優惠】2. $1鮑魚雞煲：樂婷媽媽（攤位︰3D-B17—19）
香噴噴、超惹味的雞煲，是不少香港人的至愛！想隨時都歎到這種好滋味，一於去美食博覽搶$1雞煲即食包！品牌選用無添加激素雞，加熱5分鐘就食得，快靚正！「樂婷媽媽」將會於每日中午12時以$1開心價出售鮑魚雞煲，每日限售10個！品牌亦推出額外優惠，就算搶不到$1鮑魚雞煲，都可以用優惠價$98（原價$128）購買「樂婷媽媽」雞煲券！
【美食博覽｜$1美食優惠】3. $1壽桃長壽麵線禮盒：壽桃（攤位︰1E—A02）
有福壽綿長含意的長壽麵，是送給長輩的最好禮物。品牌的麵條出名幼細、口感滑溜又掛湯，加上以當歸作湯底，滋補又美味！「壽桃」將會於每日上午10時以$1出售壽桃長壽麵線禮盒，每日限售100個！
【美食博覽｜$1美食優惠】4. $1泡菜水餃兼贏免費Staycation：香港源生股份有限公司（攤位：1B-A28 ）
每日推出1元增量裝韓國泡菜大王水餃，每日限量10包。
還有更筍著數！只要在展會期間，於攤位購物（買$1泡菜大王水餃都計）並上載已購買的產品圖片，再到Memomalls Facebook 指定帖文貼上圖片、分享有甚麼韓國人氣急凍食品想試，做齊Comment、Like、Share三步，即有機會獲贈免費Staycation活動——沙田凱悅「KAKAO FRIENDS – Happy Moment with Friends」雙人酒店標準客房獎賞（價值約$2,500）
（圖片由參展商提供）
（圖片由參展商提供）
（圖片由參展商提供）
【美食博覽】精選其他$1優惠︰
5. $1至尊紅燒鮑魚：鮑魚王（攤位：1C-F78）
買任何產品即可以$1加購至尊紅燒鮑魚。
6. $1大排檔樽裝奶茶：香港咖啡紅茶協會（攤位：3B—A018）
8月11至13日期間，買任何產品即可以$1換購一支大排檔樽裝奶茶。
7. $1貓山王月餅、蝦子麵、果醋：高格行（攤位：1D-A18、A20、B17&B19）
首3日頭30名顧客，可以$1購買原價$128的貓山王榴槤冰皮月餅（原味2個裝）、$1購買一斤果醋（500ml）1支，以及$1買哈美獅秘製薑汁蝦子麵（6個裝）1盒！
平歎黑松露、安達曼野生赤紅虎蝦等高質美食！
除了$1美食優惠，各參展商亦推出各式各樣的會場優惠，讓大家可以平歎高質美食！其中Great (HK) Investment （攤位：3B-D11）近乎以半價出售「意大利Boscovivo黑松露福袋尊貴版」，內有25%黑松露醬，以及白松露菌醬、黑松露油等4款松露產品，送禮、自用皆宜！尊貴版福袋限量版限售100套！想吃得矜貴些？就要搶做頭25名顧客！事關首25套福袋更會將黑松露醬升級為黑松露原片！絕對是抵上加抵！至於其他松露產品，則會低至7折發售！
意大利Boscovivo黑松露福袋尊貴版，內有25%黑松露醬以及4款松露產品。
首25套福袋更會將黑松露醬升級為黑松露原片。
喜歡吃海鮮？就要到一方食品（攤位：1D-C28）搶買安達曼野生赤紅虎蝦！野生海捕的安達曼赤紅虎蝦，蝦頭蝦膏鮮甜，肉質飽滿彈牙，加上捕獲後立即加工速凍，所以仍能保持品質和鮮度！難得可以$280會場價（原價$599）買到一盒「巨」赤紅虎蝦［一盒5至7隻］，仲要隻隻都大過手掌，真抵！攤位同時出售「大」赤紅虎蝦［一盒12至15隻］，會場價為$200（原價$499），並提供超抵價優惠，$450可以一次過買齊2盒「巨」和「大」赤紅虎蝦！每日限售50套！
有人認為，醬汁是一個菜式的靈魂。畢業於巴黎藍帶國際學院的Simran Savlani，擅長融合美食、味道和食材，特意為大家帶來3款充滿亞洲風味的素食醬汁，包括混合7種不同的香料、5種辣椒、3種脆脆的「香脆辣椒油」、帶有薑和芝麻味道的慢煮大蔥的「焦糖青蔥」，以及將辛辣、奶油、香甜、鹹香等味道合而為一的「霹靂醬」，每款售$90！唔識點用？Simran Savlani亦有推出食譜，醬汁連食譜一套都不過$270，一於買一套回家學做亞洲廚神！
其他特色美食餐飲則包括：具有收藏價值的鐵甲萬能俠50週年限量版紅酒、西班牙片裝風乾和牛、冰溫熟成咖啡等！隨著素食愈趨盛行，美食博覽更為素食者搜羅多款可持續且健康的素食選擇，包括泰式青咖喱植物雞肉、植物肉黃金雞塊、純植物蟹餅等！
「出前一丁福袋」$120／10件
（日清食品攤位：1D-C02）
「尊貴美食區」新設「啤酒．暢飲」主題
值得一提的是，「尊貴美食區」今年新設「啤酒．暢飲」主題，帶來多間本地手工啤酒廠的精釀啤酒，包括「大圍啤」（攤位：3C-B10）。「大圍啤」主打西式茶葉釀成的精釀啤酒，過去曾推出日本煎茶蜜柑、洋甘菊等超過20款口味！適逢首次參與美食博覽，品牌特意釀製新口味「芒果馬鞭草」（$40）！另外還提供「熱情果茉莉小麥啤」（$25）、「伯爵茶啤」（$25），以及「蜜香紅茶」和「白桃烏龍茶」（$35-40） 4款口味，絕對要試！
「大圍啤」主打西式茶葉釀成的精釀啤酒。
特色月餅逐款睇！
臨近中秋，順便買月餅！除安達曼野生赤紅虎蝦，一方食品（攤位：1D-C28）還有賣「貓山王榴槤冰皮月餅」（會場價$400），嚴選彭亨州優質高山老樹貓山王果肉入餡，造出來的月餅香濃回甘，啖啖綿滑細膩，加上外皮雪白如灑了一些白霜，賣相很吸引！現在買月餅，不但送貓山王榴槤肉（200g），還可以半價加購多一盒冰皮月餅，非常抵！
不過編輯對新口味的創意月餅情有獨鍾！Ma Maisonx 熟成品味（攤位：1D-C28）的「手工書法藝術朱古力月餅」睇得又食得！品牌以「可以吃的文化、藝術與心思」作招徠，將中國毛筆書法藝術融入朱古力月餅，而且全人手用毛筆上色、書寫，認真夠心思！藝術月餅有五個系列，大家可即場買到「醇酒咖啡系列」系列（會場價$188／原價$280），一盒有齊「愛爾蘭咖啡」、「Tiramisu」、「Brandy」和「紅高樑酒」4款口味！如果想試其他系列口味，包括「水温熟成咖啡系列」（榛子橙皮／櫻桃薄荷杏仁粒／棗泥核桃／玉桂煙薰辣椒松子仁）、「熟成果香系列」（芒果茸芒果乾／藍莓茸烏梅乾／百香果茸杏脯乾／香蕉茸黑蒜黑提子焦糖）、「花好月圓系列」（石斛花玫瑰蓮蓉板栗／石斛花桂花紅豆蓉板栗／石斛花茉莉花綠豆蓉板栗／石斛花洛神花蓉蓉板栗）以及「醇茶香系列」（伯爵橙皮蓮蓉／鐵觀音棗泥核桃／古樹普洱烏梅干綠豆蓉／抹茶紅豆），可即場預購，待中秋時取貨！
Ma Maison「手工書法藝術朱古力月餅」
（會場價$188／原價$280）
大班（攤位：1C-E02）今年新推出的「醇素冰皮月餅」（會場價$199／恆生價$189）也值得一試！雖然全素月餅不算新品，但大班特意加入原片燕麥於豆蓉餡內，健康之餘亦更添口感，又採用日本直送名物「沖繩香檸」及「西尾抹茶」製成另外兩款日系口味！光聽到「沖繩香檸燕麥」、「流沙芝麻燕麥」等新口味都覺吸引，很想買來試！品牌同時推出會場限定優惠，買5盒禮盒裝冰皮月餅即送「玲瓏四色伴官燕月盒」一盒（原價$418）、買3盒即送「迷你四色月盒」一盒（原價$329）、買1盒則送「兩個裝冰皮迷你月餅」一包！
大班今年新推出「醇素冰皮月餅」。
香港榮華餅家聯乘B.Duck推出「B.Duck流沙奶黃迎月月餅盒」。（會場價$175／原價$278）
（香港榮華餅家攤位：1C-A02）
同場加映：星級名廚烹飪示範、「多買多賞」幸運大抽獎
為慶祝香港特別行政區成立25周年，今屆美食博覽更特別請來13位星級名廚進行烹飪示範，當中包括帝苑酒店中菜行政總廚何偉成、香港沙田凱悅酒店中菜總廚何振雄、阿鴻小吃創辦人黎偉鴻，1111行政主廚梁國威等！
展會期間更會舉行「多買多賞」幸運大抽獎，獎品包括家庭用品、護膚產品、各式美食、健康用品、健身課程等。只要憑單一收據消費滿$200即可參與抽獎一次，每張收據上限抽獎五次。大會已推出「8月食．住．買」網頁，讓大眾緊貼最新的購物消息及各種快閃優惠，並可預先下載近200張電子優惠券，盡享各項精彩優惠！
同場更有3個展覽舉行，包括「香港國際茶展」、「家電‧家品‧博覽」、「美與健生活博覽」，可以一口氣行4個展覽，保證大家滿載而歸！
即睇美食博覽2022開放日子／時間、門票詳情
日期：8月11日至14日
時間：（8月11日 至14日）上午10時至晚上10時 ［美食博覽「貿易區」及香港國際茶展於8月13日下午6時結束］／（8月15日）上午10時至下午6時
地點：香港會議展覽中心
入場費：
—美食博覽「公眾館」、美食博覽「貿易區」、家電．家品．博覽、美與健生活博覽門票及香港國際茶展（門票25元）
—以上展覽連美食博覽「尊貴美食區」套票（門票40元）
—「上午進場票」優惠：8月11、12及15日（星期四、五及一），中午12時前入場，只需10元（只限於會場入口收費站以八達通即時付費入場）
—「晚間進場票」優惠：8月11、12、13及14日（星期四至星期日）晚上6時後入場，只需10元（只限於會場入口收費站以八達通即時付費入場）
［備註：持「上午進場票」及「晚間進場票」入場人士可追加15元參觀「尊貴美食區」 ］
—3歲或以下小童及65歲或以上的長者（持長者咭或有效年齡證明文件）免費入場
（門票於全線7-11、OK便利店、快達票售網、01空間電子門票銷售平台、鄰住買、八達通 App有售，市民亦可到場以八達通付費入場）
Add a comment ...
Comment
暫無回應