綠在屯門｜綠色潮流時裝節

活動簡介

隨著網購普及同潮流轉變迅速，時尚服飾彷彿成為用完即棄嘅消耗品。你有冇試過因折扣優惠而衝動購物? 有冇衫褲只係著過幾次就被遺忘咗喺衣櫃深處？服裝生產過程需要消耗大量水資源，加工過程亦會使用化學染料，釋放大量溫室氣體，所以呢種「買得快、棄得快」嘅消費模式，其實對地球造成咗沉重嘅負擔。

今個8月份﹐我哋綠在屯門為大家準備咗一連兩日，以「速食時裝」作主題嘅嘉年華 #綠色潮流時裝節，同大家一齊深入探討 #速食時裝 對環境嘅影響，藉此希望大家改變以往嘅消費習慣，探索綠色時尚嘅無限可能，當日嘉年華活動十分豐富，除了 #免費二手市集 及 #尋牛記，仲準備咗攤位遊戲等大家挑戰，當然唔少得一向好受大家歡迎嘅環保工作坊，教大家將舊衣升級再造，DIY成實用小物 ，等大家一齊珍惜現有資源，實踐零浪費生活！另外，千祈唔好錯過 #舊衣再生時裝展，由 #屯義工坊 義工們 將舊衣重新設計，透過剪裁及拼貼，搖身一變成為獨一無二嘅新時尚單品，環保與潮流美感並存，打破「著新衣，棄舊衣」嘅循環。
告別「速食時裝」，擁抱永續時尚新生活。

而家參加嘉年華仲可以儲分換禮物㗎！只要於一場嘉年華中參與最少兩項活動；或於一場二手物收集活動中提交不少於2公斤二手物，並即場與當值職員完成登記，即可獲得1分「額外賞」積分每階段累積滿2分「額外賞」積分，即可換領禮品！

*每階段需要儲滿至少3分「基本獎勵」積分後，先可以解鎖「額外賞」獎勵

玩完仲可以儲分換禮物添，到時見喇！

活動：舊衣再生時裝展、環保工作坊、免費二手物市集、攤位遊戲及「尋牛記」特別活動

⚠注意事項：

1. 如有發燒或身體不適，請避免前往「綠在屯門」。

2. 活動期間需按職員指示排隊輪候。

3.   8歲或以下兒童須由家長陪同參與工作坊，並共同完成同一份製成品。

4. 環保工作坊材料由「綠在屯門」提供，活動採用即場報名方式（先到先得，額滿即止）；每名參加者須親身在指定位置排隊等候，並依照排隊次序進行報名。

5.  每節工作坊會於活動前20分鐘開放排隊輪候及報名。

6. 免費二手物市集只會派發，不會進行收集活動。

「上一堂．儲一分」積分計劃詳情：https://shorturl.at/hCd2N