尖沙咀香港太空館｜「雙星系統中不可思議的行星」講座

活動簡介

最近，由香港學者帶領嘅國際科研團隊，證實喺南極座一個雙星系統入面有一粒逆行行星。所謂逆行行星，即係呢粒行星嘅公轉方向，同母星雙星公轉方向完全相反。呢個不可思議嘅發現係觀測史上首例！

今次講座會回顧系外行星假說嘅歷史，介紹團隊嘅觀測同分析方法，仲會講解呢個發現如何挑戰我哋對於行星系統形成同演化嘅傳統認知。

無需預約，即場免費入座，座位先到先得。本講座為現場活動，不設網上直播。