大閘蟹季到！蟹迷狂吃前注意：一隻大閘蟹膽固醇量接近一天所限？4個危險部分不能吃！

　　秋風起，轉眼間又到大閘蟹當造季節！大閘蟹蟹膏濃郁甘香，相信各位蟹迷都和編者一樣，一食就停唔到手！蟹香撲鼻，的確令人難以抗拒，但大閘蟹出名性質寒涼，而且以往亦有大閘蟹不潔引發食安問題，想吃得開心又放心，有甚麼需要注意？吃之前，先睇編者為你整理好的幾大要點啦！

（圖片來源：istock）

1. 蒸熟煮透後才享用，減少中毒風險！

　　大閘蟹體內含寄生蟲，如果生吃或吃未煮熟的大閘蟹有機會中毒，導致腸道發炎！所以食用前要先確保大閘蟹已經徹底煮熟，減少中毒風險！

2. 清洗乾淨，最好即買即日食！

　　由於大閘蟹生長於泥中，所以必須先確保大閘蟹已清洗乾淨，才好放進鍋蒸，確保安全！另外，大閘蟹始終也是海鮮，不宜放雪櫃「隔夜」，最好當然是即買即日食喇！

3. 搭配生薑、醋、紫蘇葉，有助驅走寒氣！

　　大閘蟹屬性寒涼，相比起直接把大閘蟹清蒸，蒸蟹時可加入紫蘇葉；進食時可配以醋、薑等，有助中和蟹的寒性！

4. 小心四大部位，食咗有危險！

　　雖然大閘蟹肥美可口，但吃的時候要留意四大部位：蟹腮、蟹腸、蟹胃、蟹心！這四個蟹的內臟都充滿細菌，切記千萬不能放進口中，否則有機會又屙又嘔！

5. 配上凍飲、寒涼水果，小心寒上加寒！

　　同樣因為大閘蟹屬性寒涼，所以進食大閘蟹時不要同時喝凍飲、吃柿、西瓜等寒涼水果，否則有機會寒上加寒，容易引致屙嘔肚痛，得不償失！最後按照傳統，飲杯薑茶或吃薑茶湯圓吧！

6. 膽固醇高勿食過量！

　　大閘蟹蟹膏肥味甘香，俘虜了一眾蟹迷的胃，但其實大閘蟹蟹膏的膽固醇含量非常高，有膽固醇問題的朋友就要注意！據資料，一隻約五兩重的大閘蟹約有260毫克膽固醇，而成年人每日攝取的膽固醇應以300亳克為限！換言之，每日每人其實只可食一隻大閘蟹，幾好吃都好，謹記少吃多滋味！

資料內源：食物安全中心；香港紅十字會 - 醫護服務部