4. 豪華盆菜、中式套餐外賣直送：逸軒

　　人多多，想安坐家中過節一樣得，買個盆菜外賣既方便又豐盛，又有喜慶團聚的意思！沙田帝逸酒店的中菜廳「逸軒」推出極豪華盆菜；顧名思義，盆菜內盡是矜貴材料，包括8頭南非鮑魚、鮑汁花膠筒、南非海參、乾煎虎蝦、砵酒蠔豉、鮮味元貝等，另有脆皮燒腩肉、秘製白切雞、鮑汁花菇、高湯紹菜、豬皮、乳香枝竹、芋頭等，非常足料！反正今個中秋不能約齊親友一起外出聚餐，乾脆訂個盆菜外賣（6人分量售$ 2,485、12位分量售$ 4,860，包免費送遞服務）回家慢慢歎！吃之前，記得一家人一起拍張合照，再post上社交平台「曬幸福」，讓每個望見照片的朋友都能感受到「人月兩團圓」的喜悅！

（圖源：逸軒官網）

　　光食盆菜不夠喉？去官網訂小菜加餸先！除了盆菜，酒店亦有多款小菜可供外賣！喜歡吃牛嗎？可選「無花果和牛粒」、「低溫慢煮和牛面頰」或「香芥安格斯牛柳粒」，滋味各有不同！喜歡吃辣嗎？「酸辣花膠海鮮羹」、「麻辣白木耳」、「川辣鹵三拼（鴨掌、鴨翼、鴨腎）」都很不錯，而且吃盆菜前先吃些辣，寧舍開胃！

　　想吃得清淡一點？編者特別推介「桃膠杞子天湯浸娃娃菜」，娃娃菜吸飽湯汁，不但可口，還可以養顏，最啱女士！