我老細真係好鬼衰、勁賤囉、堅唔掂、真係好「腦細」；老細呢個物種，講就天下無敵，幾時見佢落手落腳去做？我頂佢唔順架喇，如果有朝一日辭職，一定係因為佢……

　　小弟偶爾聽聞上述言論——所謂「偶爾」，固然是客氣之言。在「老細」這個議題上，高中低級的打工仔都無分你我，陣線一致。

　　而諷刺的是，在這邊廂激昂地痛罵他人的，分分鐘在那邊廂亦正被熱烈地「問候」著。須知道，打工仔有「老細」；而老細之上亦有大老細；大老細對上，還有大大老細、大大大老細，如此類推。這是一條食物鍊，唇齒相依。

　　別誤會，小弟並非要為衰老闆說好話，不幸遇上（也算平常），奉勸拿拿臨狠撇，以免磋跎歲月。不過又咁，正因為好老闆難求，咁好彩遇到，還望各位打工仔千萬別走寶，或好人當賊扮。

　　無論做好人，還是做好老闆，不外乎善良、正直、聰明、能幹4大要素。爬到高位做到「老細」的，口袋裏總有點小聰明，總要做到啲嘢——姑勿論是哪一種聰明、做到邊一啲嘢。

　　留意番，徒有小聰明和才幹，卻欠善良與正直，是相當危險的。老闆善良正直，手腳笨一點、做事甩漏一點，還是比陰險而堅揪的跟得過。

評估好老闆︰

1/ 他誠實嗎？

　　在爾虞我詐的職場上，誠實的人未必是賺最多錢的，卻一定最跟得過。

2/ 他說到做到嗎？

　　說過會撐就一定會撐，說過升你就真係升你，說過出生入死就出生入死，這樣的老闆唔跟，跟誰？

3/ 他打會企定嗎？

　　有鑊，有些老闆急不及待找個人「祭旗」；有些則義不容辭親自去頂，高下立見。

4/ 他會否口出惡言？

　　職場如戰場，衝突和分歧在所難免。好老闆是無論幾火滾幾委屈，都不會將下屬當作出氣袋，更不會口出狂言罵人︰「死蠢」、「無能」、「垃圾」。

5/ 他是否待人以寬？

　　懂得體諒、善於原諒的老細，一定要Mark實，人都長命幾年。

6/ 他會否跟下屬分甘同味？

　　又要威又要戴頭盔的老細愈乞人憎，愈顯得不居功的老闆難能可貴。看他分花紅、加人工的出手，可知一二。

　　據非正式統計，10個打工仔有7個因為頂唔順老闆或直屬上司而劈炮；而10個留守的打工仔中，大概也有9個半以上因為好老闆而攆都唔走吧。