作者: Chan Ching Yuk

　　這是一個我的親身經歷，信不信由你..........

　　香港地小人多很多情侶都會選擇在週五或週六，去附近離島渡假享受二人世界我們也不例外。

　　去年7月天氣很熱，所以阿強提意去長洲游水同釣魚玩返2日，我好開心因為我好鍾意釣魚。因為今次旅程係即興，所以我地無預先訂酒店，入到長洲去晒2間酒店都話已經客滿。阿強唔想我唔開心，所以帶我返轉頭去碼頭附近租渡假屋。我地只係顧住搵新裝修既海景套房，忽略左一個好嚴重既問題......(轉頭話你知)

　　經過阿強精心挑選，我地揀左一間日租一千蚊既海景套房。老板娘比左一張地圖同一抽鎖匙我地，叫我地沿住海邊行就會搵到，點知原來我地租既係東堤小築。

　　阿強同我講：無事既，你睇今日幾多人入左黎玩。咁多人租東堤唔洗驚，更何況你身邊有我嘛！

　　聽完阿強咁講唯有跟住佢行樓梯上去。入到房間眼前一亮 房內既佈置比起向相片中更靚，阿強就大讚張床好大張。真係比佢激死。入到房間我地執拾好帶黎既日用品後，決定休息一陣先出去行街。間房既佈置真係好浪漫令我地感覺好舒服，我都忘記左自已入住左東堤。2人世界有 一個好處，就係唔會比人打擾。我地訓左向床睇電視，睇睇下阿強就攬住我黎錫。我隻腳突然抽筋向小腿到我見到有2個凹位，就好似比人搣緊同以前試過既抽筋好唔同。阿強好細心咁幫我按摩，好快就唔痛。阿強見我隻腳唔痛又向到搞搞震。我覺得好奇怪當阿強開始錫我我隻腳就開始抽筋，我唔敢向間房到亂講野，我細細力推開阿強話好肚餓不如出去行下順便食飯，之後我地就去左食午餐然後去游水。

　　快樂不知時日過，貶下眼就接近黃昏。我地揀左間小酒吧坐低飲野傾計，我叫左碗芒果刨冰阿強就叫左支啤酒。一邊食一邊聽阿強講佢出阜遇到既趣事，我仲笑佢比分公司茶水間阿姐睇中。之後阿強就諗起我隻腳痛既事佢好擔心我係唔係扭傷腳。

　　阿強：老婆仔你係唔係唔想掃我興整傷隻腳都陪我入黎長洲玩呀？
　　我：傻豬咁你今日黎接我有無見到我行路拐下拐下丫,如果我真係整親都忍唔到咁耐啦~！
　　阿強：咁又係啵，不如一陣陪你去睇醫生睇下究竟咩事！

　　我最怕就係睇醫生，既然離開左間房唯有將我既感覺講比阿強聽應該唔會有事啦！

　　我飲左阿強支啤酒一啖壯壯膽先講拿~！先旨聲明唔好以為我驚睇醫生就講大話。.今日中午我抽筋既，戈種感覺好唔尋常架，,平時抽筋係成隻小腿抽實左痛到郁唔到既，,今日我抽筋戈陣我見到隻腳有2個好似比人用手搣住既凹位，凹得好明顯架。你一錫我就抽筋，你停佢就停我覺得好邪。

　　阿強：老婆仔你係唔係好驚？我會保護你~！
　　我：傻佬多謝晒啵！

　　講完都唔夠5分鐘我覺得個人好暈，之後就不知不覺合埋左雙眼。我對耳仔聽到阿強係咁叫：老婆仔你點呀？唔好嚇我呀？

　　連酒吧老板娘都行左出黎睇我，我聽到佢地話我反晒白眼不如送我去醫院。短短幾個字我都郁唔到，但係我清楚記得我係聽到野架。我 好驚我好想大叫，但係我連舉起隻手既力都無。我知道我不停流緊汗，我感覺就好似比人倒左一盤凍水淋落黎咁樣，由頭濕到落腳,阿強不停幫我抹汗。我個身就不 停咁震。.老板娘覺得我唔係好妥打電話叫左佢老公落黎之後，我聽到一把好man既聲(可以形容係好有霸氣)：警告你唔好向我鋪頭到玩野，你嚇走晒我d客 人！

　　嚇到阿強即刻回答：無呀！只係我女朋友突然唔舒服我地無搞事呀~

　　老板：先生放心我唔係同緊你講，唔洗擔心你女朋友一陣就會無事你比佢坐多陣。我想問下頭先發生咩事，點解佢突然咁樣。
　　阿強細細聲講：頭先我地傾緊計，我女友講返今日中午向渡假屋我地親熱緊佢突然抽筋抽到好似比野搣住腳，痛到郁唔到。講完無耐就無晒反應暈左咁樣仲反晒白眼。
　　老板：向長洲依種事見怪不怪，應該係d污糟野嫉妒你地恩愛想整估你地。我送2條紅繩比你地你將佢掛向手腕到，我作過福保平安，等你可以同你女友安心渡完假先返市區。

　　之後我開始清醒不過全身無力，阿強要用力扶住我先返到渡假屋。入房後我昏睡左3個鐘阿強全程坐向旁邊陪住我。當我清醒時阿強問返我知唔知發生咩事，我同佢講我全程聽到佢地講野，只係全身郁唔到。當晚我地都唔敢訓覺，攬住坐到天光等到坐頭班船開我地就返左出市區。

　　依個係一個難忘既經歷，我同阿強都決定以後打死都唔會再住東堤~