「一年容易又中秋」，公司開始送月餅券給客人，我才意識到夏天已到尾聲。

　　這段時間非常忙，又業績期又滬港通，外圍又多事，俄烏衝突及歐美經濟分歧等等，望少眼個市都唔得。不過我近排勝在有少少運氣，總算趕得上美國道指標普指數創新高、港股衝上六年高位的列車，少賺一番。

　　又忙又刺激的暑假這樣匆匆過去，踏入九月，興奮心情未能停止，因為馬兒又將出動，馬迷引頸以待的馬季開鑼日的到來。今年馬季定在9月14日在沙田打響銅鑼，作為超級馬迷的我，不會錯過之餘，我今季更是要第一時間要去搶！搶甚麼？霸頭位？不是啦，為的是馬季賽事月曆。皆因今年是馬會成立130周年，而月曆是以各種賽馬歷史為主題，別具意義，而且派發的月曆是先到先得，所以今季不早到恐怕要錯過此特別的紀念品！

　　當然，除咗入場禮物外，入場話說可以有得抽獎贏24k包金擺件。趁我有少少運行，唔好俾佢停！而今年開鑼儀式亦會有130頭醒獅助慶。130隻醒獅同時出現眼前，聽到都覺排場勁！未睇馬先睇獅，開開眼界也好！

　　不過，馬季開鑼最重要的節目一定是賽馬！一如以往，全日有十場賽事，終於又可與好友再切磋眼光，而香港特別行政長官盃當然是焦點所在！上屆我記得潘頓帶領「愛跑得」打響炮，新一季頭彩又會花落誰家？另外，我亦心郁郁想試試落注三T，看看能否開個頭彩，贏3000萬巨獎買間豪宅享受一下。

　　說實在，等足兩個月，我真的好掛念人頭湧湧的馬場，以及馬匹競賽會戰時的刺激感。今季我又可以在此繼續談心談馬更是滿足，贏馬還是其次了吧。新的一季，大家一定不要忘了敲敲馬場入口的迷你銅鑼，分分鐘今季最旺就會是你！我當然亦會一試，敲敲增強我的運氣就是王道！