「食得嘅就唔好嘥」，歌仔都有得唱。有網民食自助餐時，見到有人拿兩打焦糖燉蛋，但只食了焦糖便棄掉；亦有人拿燕窩布丁只食了小撮燕窩便算。餐飲業指浪費行為僅冰山一角，食肆難阻止，惟靠政府多宣傳教育。

　　長輩教落：「做人要有衣食」，不應浪費食物。有網民在討論區訴說，日前吃自助餐時，鄰座有女士拿了24杯焦糖燉蛋，狀甚嚇人。「但佢只食面層焦糖，就翻轉剩下嘅燉蛋，叫侍應收碟，好誇張！」

服務員難阻客人浪費

　　大部分批評做法浪費，有過來人指見過有「大嘥鬼」拿了10籠點心，每籠只食一粒，「食蛋糕只食上面粒紅莓；烤雞、烤豬只食脆皮」。亦有人見過「叫燕窩布丁淨食上面啲燕窩，布丁成個唔要」。另有人提倡設罰款制，但估計食肆怕得罪客人而不敢執行。

　　酒店及餐飲從業員協會總幹事奚鴻泉表示，上述情況只是冰山一角，吃自助餐浪費食物多涉及熱葷及甜品。「曾有客人為朋友慶祝生日，拿了10多件切餅砌成蛋糕形，再加枝蠟燭，最後食得兩、三件就唔要！亦有人叫了數盅燉湯，飲兩啖就擺埋一邊。」

　　奚續說，暴殄甜品以女士居多，例如燕窩撻只食燕窩碎；芝士蛋糕只吃面層的蜜桃及士多啤梨，「甚至有人拿了多件甜品只為拍照」！但他坦言客人浪費食物，前線服務員也難阻止。「有時只能趁機介紹番食物特別之處，希望他們食完，或特意不收拾完整的食物，減少尷尬。」

大部分食店貼珍惜食物提示

　　香港餐飲聯業協會會長黃家和指，近年政府及民間團體提倡惜食文化，相信市民意識有所提升。「小部分人抱着『食唔晒都唔好蝕』的心態，覺得任食就要攞盡着數！」但他相信若有人這樣做，旁人也會投以歧視目光，當事人應會難為情。

　　過去曾有火鍋店及放題食肆設罰款制，要求客人就剩食付費。但黃家和指，由於制度易惹來客人不滿，或對計算剩食分量起爭拗，大部分食店最多在當眼處貼出「珍惜食物」提示標貼，而不會主動懲罰顧客。