如果大家曾到過潮州菜館，一定會喜歡放在檯上的前菜小食鹹酸菜，這碟小小的鹹酸菜能夠提升大家的胃口，增加食慾 …. 我就十分之喜歡吃，每次跟同事都爭住吃，可惜供應有限，加上去潮州菜館，主菜當然係潮州菜，想吃鹹酸菜唯有靠自家製作。

　　大芥菜不同常見的芥菜，因為大芥菜簡稱包心芥菜，葉柄肥短扁闊，葉身較短，呈嫩綠色，結球緊實。常見的芥菜，身形較長，常用來煲湯或做芥菜膽。

　　若大家在行經街市見到有大芥菜，就趁機買一個來試做啦 ! 買唔到南薑粉都可以自家製作鹹酸菜作前菜，都可以。

烹煮時間：15分鐘

份量： 500克

材料：

大芥菜    500克

鹽        1湯匙

清水      200 毫升

砂糖      3湯匙

米醋      2湯匙

南薑粉    1-2茶匙

紅辣椒    1隻 (隨意) 

做法：

　　1.大芥菜切開沖洗，切條備用。

　　2.燒熱一鍋滾水，先將芥菜加入煮2分鐘，瀝乾水份，放涼。

　　3.將鹽加入芥菜內，醃1-2小時，瀝乾水份。

　　4.將清水煲滾，加入砂糖煮溶，然後將醋加入拌勻，將糖醋水用食物盒盛起，將芥菜條加入焗4小時或醃過夜，芥菜會變成黃色的鹹酸菜。

　　5.將鹹菜瀝乾水份及切粒，加入適量南薑粉及紅椒粒拌勻，即可享用。

韋太小貼士：

　　南薑粉可以到南貨店選購。