韓國大熱 30cm巨型炸魷魚登陸

　　韓流已經進佔街頭，韓國最hit的Street Food，香港街頭都有得食。由BBQ 7080集團開設的韓式小食店Norayo K-Street，主打韓國大熱街頭小食，當中最爆嘅係超巨型炸魷魚，目測隻隻都有30cm長，全部由韓國入口，再在小店中即叫即炸，炸好後會灑上芝士辣粉，脆漿勝在不太厚，而辣粉亦有陣陣芝士香，慢慢滲出辣勁，幾刺激。

炸魷魚 $88；選用超巨型的韓國大魷魚，鮮味濃，口感軟腍。

原隻魷魚由韓國返貨，每日在小店中即炸。

迷你沙冰 $40/杯；包一球雪糕，用膠杯盛載，邊行邊食方便又涼快。

Ice tea $28/杯；有桃和檸檬兩種味道，膠杯可reuse。

　　早排勁hit的雪花冰，這裏一樣有，但為方便客人邊行邊食，所以特別做成迷你版本。四款口味包括原味、藍莓、綠茶紅豆、芒果，用韓國雪花冰機即製，像綠茶紅豆，就層層疊鋪上韓國綠茶粉和紅豆，再加上綠茶雪糕球，超足料。

Norayo K-Street

地址：尖沙咀加拿芬道45-47號宏生大廈地下D2號舖