按盤價 
《魚缸博客》內房近期都係一蹶不振，不過都係偶而都會有啲好消息，例如金輝控股
（０９９９３）附屬公司今日出完業績不跌反升，博客就同大家解讀下。
金輝控股公布，間接非全資附屬公司金輝集團截至３月３１日止第一季純利約６５００萬元
人民幣，跌８１﹒９％。該集團指，金輝集團營業收入８２億元人民幣，升１７％，毛利率
９﹒０７％，跌９﹒５７個百分點，營業利潤１﹒７８億元人民幣，跌７３％。於３月底，金輝
集團負債總額降約８％，至８５３億元，現金及現金等值物也降至約５８﹒２億元。
不過，公司之前公布過，２０２４年票據已得到圓滿解決，而集團已結清所有公開市場發行
的信用類債券。即係話，公司業績係差，不過已經找清晒所有境內信用債，負債總額降約８％，
算係可控範圍之內，符合國家策略，俾你過關啦！
所以今日股價大升，成交額有億幾之餘，股價都升蚊幾咁多，都可以叫飲得杯落。不過長路
漫漫，現價入唔入得？博客都建議等下先，相信有機會回落到３蚊之下，到時再吸納都唔遲；假
如企穩３﹒６，都可以入小小放係倉，畢竟佢歷史高位都係５個幾，係咪可以炒波都有待觀察。
《編者按》本欄搜羅即市傳聞，惟消息未經證實，《經濟通》亦不保證內容之準確性。
《說說心理話》情緒勒索任何關係均有機會發生 如何走出情緒勒索循環？► 即睇
