按盤價 
《魚缸博客》美國大選年對中國打壓無日無之，方方面面連番出招，晶片固然一大開刀範疇
，但係百密總有一疏，呢兩日都有報道講到，任憑美國點樣限制晶片技術流向中國，中方藉由收
購超微型電腦以及Ｄｅｌｌ產品，就可以攞到ＮＶＩＤＩＡ嘅高階ＡＩ晶片。
雖然客觀上係不利因素，但每次美國加新制裁條件，晶片股都會調轉炒，博客今日就睇中隻
中芯（００９８１）。愈禁愈炒皆因睇好內需，孖屐睇好就算中芯唔賣出國，單靠境內需求都夠
做。呢一點都錯唔曬，好似今日隻商湯（０００２０）咁，噚日就發布旗下ＡＩ大模型「日日新
」嘅５﹒０版本，喺知識、推理、數學、代碼場景全面對標ＧＰＴ－４ Ｔｕｒｂｏ，簡單嚟講
即係目前最常用嘅ＧＰＴ－４嘅升級版，如果日日新已經進化到呢個程度，即係比起
ＣｈａｔＧＰＴ，日日新可能仲更先進。
而之前亦都有消息講到，因為中國境內用唔到ＣｈａｔＧＰＴ，蘋果計劃將中國版ｉＯＳ
１８置入文心一言，為文心提供一大出路。
單靠呢兩大ＡＩ龍頭，晶片境內都已經見到有需求，中芯業務上必然會有支持。股價方面，
中芯今個月再次見返２月低位大約１４銀，形成雙底格局，而１０天線亦有轉升跡象，預計雙底
築成有望回升。初步上望頸線位大約１７﹒５至１７﹒８銀，市況如果繼續轉好，中線有望挑戰
１９至２０銀水平，跌穿１３﹒５銀止蝕。
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】內地旅客赴港澳購物免稅額提高，你認為能否幫助促進本港旅遊消費？► 立即投票
