《魚缸博客》黃仁勳來港嘆啤食小炒，４０９０事件唔記得啦？

　
　　《魚缸博客》話說呢個禮拜熱話就係ＮＶＩＤＩＡ創辦人來港接受科大辦發榮譽博士，席間
大讚科大幾犀利、香港點樣座ＡＩ城市，夜晚仲走去「愛文生」嘆啤酒、食小炒，唔講以為大家
　
　　事實上，今年因為美國法令問題，高階顯卡４０９０已經禁止入口中港，之後ＮＶＩＤＩＡ
出左張「４０９０Ｄ」，可以避過美國法例出口；不過，４０９０Ｄ其實閹割版，雖然核心從原
本１６３８４個減到　１４５９２個、ＳＭ單元也從１２８組變成１１４組，功能上一定差過原
本４０９０，但叫做「袋住先」咁解。
　
　　黃仁勳到港，呢件事係政治上點樣解讀？博客覺得，其實係中美關係釋出善意第一步，黃仁
勳作為先頭部隊，係中美、台灣問題上，呢次處理手法都尚算ＯＫ不過不失，亦睇得出內地透過
香港呢個窗口表達修復關係。
　
　　之但係係咪所有東西都可以只看表面呢？特別係特朗普上台之後，中美關係會唔會更惡劣、
芯片出口會更加嚴禁？博客認為，中國市場貢獻大量營利，如果格硬分割開，只會令企業增長更
困難；雖然美國係芯片上先算係大客戶，但做生意嘅嘢，去到最尾其實係無永遠敵人。如果
ＮＶＩＤＩＡ真係完全想切割同中國關係，咁又何必搞個４０９０Ｄ去出口？
　
　　講完呢到一大堆，其實博客想講，有傳拜登政府將在１１月２８日感恩節前公布新一輪對華
晶片出口禁令，如果想沽芯片股，呢兩日可能係機會，特別係中芯（００９８１）、華虹
（０１３４７），有機會倒頭急跌。食左呢一水，詳細都要等特朗普上台先可以分析更多，但黃
仁勳來港，博客覺得算係好開始啦。
　
　
《編者按》本欄搜羅即市傳聞，惟消息未經證實，《經濟通》亦不保證內容之準確性。