《魚缸博客》長和堅持推進賣港口，但唔派特息揸嚟都好雞肋！

　　《魚缸博客》呢個月以來阿爺都不斷間接表達咗對於長和（００００１）賣巴拿馬港口嘅不
滿，不過「誠哥出手，滴水不漏」，據《彭博》引述最新消息報道，長和方面決定如期推進同貝
萊德牽頭財團交易，力爭４月２號就要甩手資產。
　
　　一早就話小小超上京只係因為自己生意所需，誠哥同接捧長和系嘅小超先係賣港口關事嘅人
，為避口風仲連業績會都唔開齊齊潛水，可以話全身上下都係戒備狀態咁去搞埋單刁。
　
　　之所以話係滴水不漏，全因長和明知敏感，早喺公布前已經做好萬全準備，仲設埋獨家條款
保證磋商期１４５日內都會以貝萊德牽頭財團作為優先磋商對象，令神州方面就算想在商言商由
國企出手洽購都針插唔入，令阿爺可以參與嘅機會再減低。
　
　　以往蹟嚟睇，目前上面對應該正係全力搵緊長和痛腳嚟抽秤，但要喺誠哥身上找到破綻就的
確係唔容易，如果北京發力過猛，只會招致更壞結果，
　
　　股價嚟睇今日長和就彈返些少反映推進交易利好，不過新一次業績都講明會限制資本開支，
即係就算賣港口得米，都未必會加大派息甚至派特別息，而家炒長和真係流於消息面炒作，鍾意
刺激咪跟囉，但想收特別息嘅就不如算罷啦！
　
《編者按》本欄搜羅即市傳聞，惟消息未經證實，《經濟通》亦不保證內容之準確性。